~ منتديات مدينة سنجة ~

~ منتديات مدينة سنجة ~ (http://www.singacity.net/vb/index.php)
-   الغناء والموسيقى (http://www.singacity.net/vb/forumdisplay.php?f=13)
-   -   أروع أغاني الحماسة السودانية والسيرة ,,,, (http://www.singacity.net/vb/showthread.php?t=8364)

زينب الحويرص 12-16-2012 05:16 AM

يبقى الحماس كشكل من أشكال ثقافة التحريض والتحفيز بشقيهالايجابي والسلبي .
ويبقى شعر الحماس ليؤدي وظيفته في مناسباته أوالمواقف خاصته لتحريض المقاتلين والفرسان وتأجيج مشاعرهم ودفعهم للقتال .

زينب الحويرص 12-16-2012 05:18 AM

شعر الدوبيت السوداني في الحماسة

يقول الشاعر الطيب ود حاج عبد القادر:

أحـمر لونـو مـن دم الرجال دُكَّـرنا
وتتبعنا السباع في رواحنا وإن بكَّـرنا
ويـن يجد المجال عازِلناشِنْ أنكـرنا
تعـرفنا الدهـور تثبت نبانا ذِكِــرنا

زينب الحويرص 01-25-2013 05:02 AM

الصديق الموسيقار الامير همة
التهنئة بالشمعة السادسة
دوام العطاء
وعاجل الشفاء لك

زينب الحويرص 01-25-2013 05:11 AM


عاطف هاشم 03-10-2013 07:34 AM

الامير السمح الراقي . الف تحية وشوق . عجبتني كتيييير كتاباتك الحلوة عن اغاني الحماسة وأثرها في تشكيل الوجدان السوداني وثقافته ، وكذلك المرور الرشيق الانيق من الاخوة والاخوات . واسمح لي أن اسبح في بحرك مرة ( آخد لي شقة ) واشارك بكلمات الاستاذ عبيد عبد النور ( يا أم ضفاير قودي الرسن ) هذه الرائعة التي كان لها مالها في ذلك الزمن .

يا أم ضفاير قودي الرسن ،،،،،،،،،،،،، وأهتفي فاليحيا الوطن
....................................

أصلو موتآ فوق الرقاب ،،،،،،،،،،،، كان رصاص أوكان بالحراب
البدور عند الله الثواب ،،،،،،،،،،،، اليضحي وياخد العقاب
* * * *
يا الشباب الناهض صباح ،،،،،،،،،، ودع اهلك وأمشي الكفاح
قوىِ زندك وموت بارتياح ،،،،،،،،،،، فوق ضريحك تبكي الملاح

* ** *****
يا كبار البلد الامين ،،،،،،،،،،،،،،،، السكات دا بيصح لي متين
بينوا لينا الرأي المبين ،،،،،،،،،،،،، التكتم هسع مشين

** *** **
ما بتشوفو الذل والهوان ،،،،،،،،مص دمانا وعقب إمتهان
غنمونا حفظوا الامان ،،،،،،،،،،،، بالنبابيت والخيزران

*** *****
قوة هايلة وإيمان ضعيف ،،،،،،،،،، إنجليزي ومخلوق رهيف
طابة في قصاد زولآ نحيف ،،،،،،،، بطنه خالية وإيمان نظيف

********** *********
إنت غالية وهم رخصوك ،،،،،،،،،، إنت سمحة وهم وسخوك
إنت لينا وحياة ابوك ،،،،،،،،،،،،، نمشي ليك فوق نيران وشوك

****************
الشوارع بتسائلن ،،،،،،،،،،، بالعساكر يتمايلن
البنادق يتلامعن ،،،،،،،،،،، والمدافع طبعآ ييجن

****************
إنتى عارفة وما بعرِفوك ،،،،،،،،،،،، إنت نورنا وعمدآ طفوك
إنت روحنا وفي النار رموك ،،،،،،،،، ضحكوا بينا ونصبو الشروك

*********************
إستبدوا وسط القدر ،،،،،،،،،،، وقالوا نحنا السما والقمر
وإنتو مش من نوع البشر ،،،،،،،،،، البقول بغم يبلع حجر

**********************
حالة صعبة ومسرح فتن ،،،،،،،،،،،،، دنيا فانية وفيها المحن
نحن نصبر لمن يحن ،،،،،،،،،،، هاتفين فاليحيا الوطن .


مع الود والاشواق وإلى لقاء قريب

امير عبدالله همه 03-13-2013 12:25 AM

اقتباس:

المشاركة الأصلية كتبت بواسطة عاطف هاشم (المشاركة 217878)
الامير السمح الراقي . الف تحية وشوق . عجبتني كتيييير كتاباتك الحلوة عن اغاني الحماسة وأثرها في تشكيل الوجدان السوداني وثقافته ، وكذلك المرور الرشيق الانيق من الاخوة والاخوات . واسمح لي أن اسبح في بحرك مرة ( آخد لي شقة ) واشارك بكلمات الاستاذ عبيد عبد النور ( يا أم ضفاير قودي الرسن ) هذه الرائعة التي كان لها مالها في ذلك الزمن .

يا أم ضفاير قودي الرسن ،،،،،،،،،،،،، وأهتفي فاليحيا الوطن
....................................


مع الود والاشواق وإلى لقاء قريب



الأخ العزيز / عاطف
ألف شكر علي الإطراء
من جمال أغاني الحماسه .. ترفع الروح المعنوية بطريقة
غريبة .. وبسبب أغاني الحماسة جعلت هؤلاء الرجال
بتحمل الجلد المبرح بالسوط وتسيل الدماء من أجسادهم
بسبب الجروح العميقة في الظهر


http://im31.gulfup.com/fhN1S.jpg
الكل مستني دورو من الحماسة


http://im33.gulfup.com/EFoeO.jpg
أها في أرجل من كده ؟؟؟؟؟

أخوي أسبح علي مهلتك وأخد ليك شقه بس لو أستنيت موجة البنطون
بتكون أحلي ههههههههههههه ..

أسعدني مرورك


الساعة الآن 07:27 AM

Powered by vBulletin™ Version 3.8.7
Copyright © 2021 vBulletin Solutions, Inc. All rights reserved. منتديات