عرض مشاركة واحدة
قديم 05-09-2010, 10:21 PM   #9
عبد الماجد محمد زين مهنا
: مشرف الشعر والحواطر ::
 
الصورة الرمزية عبد الماجد محمد زين مهنا
 
تاريخ التسجيل: Feb 2010
المشاركات: 1,271
افتراضي

اقتباس:
المشاركة الأصلية كتبت بواسطة بدرالدين مهدي مشاهدة المشاركة
عطش يافلاش

اقول الكلمة ما تاهت خلاص في الظلمة
واعاتب الليل دا ما ليلاً طويل يا سلمى
انت ما شفتي العلي دوام عشان حبك بقاسيهو
بصابح في خيالك ديما وارجى اليل اماسيهو
واخاطب في سراب الحب ومرات اقسو جافيهو
اكفكف في دموع الشوق نكدي الما بخليهو

حبا ضاع كما ضاعن سنينا اليوم بنحكيهو
تقول كان الحديث بينا نخاف النسمة تفشيهو
وانتي ليه يا سلمى يا ظالمة بتكوي قليبي تطويهو
تحرك روميو من قبرو وعنتر في بواديهو

غريبة الدنيا غريبة الدنيا

كم عاشق صبح طربان تبكيهو
وكم قلباً منور شوق وتطفيهو
وكم وعداً يقرب يبقا تلغيهو

غريبة الدنيا غريبة الدنيا

حليل شوقي وعيانتك تلاقيهو
يدور يرجع وتحلف ما تخليهو
وياما عشت في نشوة قبل ما حبي تنسيهو
وياما اتدفقت عبرات تزكي حنانا ترويهو

وغريبة الدنـــــــــــــــيا

كانت لنا أيام ليتها تعود وانتهز هذه الفرصة وأهدي هذا اللحن للشلة
عثمان ميس- الطاهر برينسا- أحمد ود العشاري- عبود عبد الباقي- الصادق محجوب -الصادق أبوحمامة -إبراهيم الهادي (هيما) عبد المنعم بوب وبقية العقد الفريد

لك التحية والتجلة أخي بيلية فقد رجعت بنا لسنوات طوال قد خلت حيث كان الحياة جميلة والنفوس متطايبة ونقية ، والتحية لهذه الكوكبة الرائعة من الاخوان ورفقا الصبا ( أولاد حلتنا ) الذين أكن لهم مودة خاصة و يشغلون حيزاً كبيراً من ذاكرتي ، مودتي ....
عبد الماجد محمد زين مهنا غير متواجد حالياً   رد مع اقتباس