العودة   ~ منتديات مدينة سنجة ~ > ®¤*~ˆ° الادب والفنون ®¤*~ˆ° > الغناء والموسيقى

إضافة رد
 
أدوات الموضوع انواع عرض الموضوع
قديم 11-16-2015, 10:06 AM   #161
عبد العزيز النور اللخمى
موقوف
 
تاريخ التسجيل: Apr 2010
الدولة: السودان .. سنار
المشاركات: 3,361
افتراضي

اقتباس:
المشاركة الأصلية كتبت بواسطة محمد بشاره مشاهدة المشاركة

شكلها قلبت تياب يا عبد العزيز
اقتباس:
المشاركة الأصلية كتبت بواسطة جمانه مشاهدة المشاركة
أسماء التياب طلعتنا من الموضوع الأساسي وأغنية القمر بوبا للعملاق الراحل محمد وردي التي تحمل كلماتها العديد من السمات والقيم السودانية الأصيله ( معذوره أمها كن دستا ) ، (دي ترباية حبوبتا ) أشياء جميلة في التربية اندثرت الآن ..
الرائع الريس محمد بشارة
خالتي الغالية جمانة
التحية لكما مرة أخري

مين قال طلعنا من الموضوع ... اغنية القمر بوبا
وكما ذكرتي مليئة بالسمات والقيم السودانية الاصيلة
واحب أن اشير الي أن واحدة من هذه القيم هو تميز
المرأة السودانية بالتوب السوداني الذي يدل علي الحشمة
والادب المرتبط بالزوق الراقي ... لذلك نجد المغني ايضاً

غني وقال :
سمحه فى توبك وتملى العين
يا بت بلدى
حلوة جميلة وزيك وين
في الكون كله مافي يمين
حشمة وتوبك وتملي العين
يا بت النيل أصلك سوداني
يا بت بلدي أصلك سوداني
طبعك هادي أصيل ورزين

وكذلك غني أبو عركي البخيت
شفت التوب ومالاقنى أجمل منو
بس التوب وسيد التوب يكون كيفنو
نظرة سريعة مرت بيها ما اتمتعت
خطوة وحيدة بينى وبينها لو أسرعت
خلت طيبها مالى الساحة ما اتشبعت
زيها مافى لا شاهدت لانى سمعت


لذلك انا داير اقول إن المراة السودانية
وماتميزت به من زوق في إختيار لبسها
وزينتها من حلي (القمرة بوبا) وغيره
وحتي العطور السودانية ... كلها ارتبطت
بعادات اصيلة ميزتها عن باقي نساء العالم

لكما التحية والتقدير وبوجودكما يطيب المقام

عبد العزيز النور اللخمى غير متواجد حالياً   رد مع اقتباس
قديم 11-17-2015, 10:09 PM   #162
محمد بشاره
:: الامين العام ::
 
تاريخ التسجيل: Feb 2010
المشاركات: 6,469
افتراضي

الاستاذه جمانه
والاستاذ / عبد العزيز

انرتم متصفحى بهذه المداخلات الروعه والاضافات الثره التى جعلت للبوست نكهة جميله

الفدو ( القمر بوبا ) كما كانت قديما


نقره لعرض الصورة في صفحة مستقلة
__________________
اللهم ان اخينا الصادق قدوره فى رحابك واقف ببابك وانت أرحم الراحمين
اللهم اعفو عنه وعافه واجعل الجنة مثواه .. آمييين
محمد بشاره غير متواجد حالياً   رد مع اقتباس
قديم 12-05-2016, 08:30 AM   #163
عاطف هاشم
عضو مميز
 
تاريخ التسجيل: Mar 2013
المشاركات: 395
افتراضي

ألم البعـاد
حــي ألــم الــبـعــاد حـــش كـــلاي وأجـــرا
دمعي أنا شوقي طايـل لي ظـبيات وأجــره
******
ياحليــل الغـصــون المايـســات في الـقـلعـه
زي الريـل حدايــق وكـالـبـدور في الطــلعـه
مع فــرط الجـمال زايــدات حــداقة وشـلـعـه
يات من كان تجيك تــقـدح تــزيـدك ولـــعــه
******
بـذكـر جـلـستـن يــوم جـمعـة بعــد النافـلـه
ربــات الـعـفـــاف الطـبـقــة الـمــا سـافـلـه
دارســـات كـــــل فـــن إلا الأمـــور الآفـــله
والعـجـب الخـلـق شـبـه الأرايـــل الجـافـلـه
******
يــات مــن كــان حـافــلـة أو غـيــر حـافـلـه
تــتــنــاول فــؤادك وتـمـشي مـنــك غــافـلـه
أنظـر قــامـة مـمشـوقــة ومـضـمـرة كـافـلـه
نــغــمــاتــاً تـنـسـيــك الـفــروض والنـافـلـه
******
إقـتـبـس الـبـدر مـن آمـنـه نــورو و دارتـو
الخـز والـدهـب عـار من جسـيما نـضارتـو
الـدر حـيـن وهـب لي فاهـا شـوفـو قـدارتـو
أضحي علي الرؤوس يُحمل ونافـذه إدارتـو
******
فــرع الـيــاسـمـيــن مــن الـنـسـيــم يــتــني
ســـالـكـة مـضـمـره والـتـنـه فــوق الـتـنـه
عـبـي نـهــــودو كـالـتـلـــه وجـــا يـكـتـلـنا
الــشــهــــاده مــنــــو الــنـــالـهــا مـتــلــنا
******
إن جــاتــك تــقــود فـي عــومـا زي الــوزه
والــلــفــتـــــات غــــزالاً بــي نــتــايــل فــزّ
وكـتين تـبـدو جـوز عـينيها كـسـرة وغــزه
زي الــفــارس الـــشـال حـــسـامــو وهـــزّ



كلام يهرد المصارين
عاطف هاشم غير متواجد حالياً   رد مع اقتباس
قديم 12-07-2016, 10:29 PM   #164
جمانه
# مجلس الشورى #
 
الصورة الرمزية جمانه
 
تاريخ التسجيل: Mar 2010
المشاركات: 9,075
افتراضي

ضامر قوامك لأن

قلبك قسى وجافيت ليه يا جدي الغزلان
أسهرت جفني ملان
يذرف دمع نازل كالمزن في الهملان
ما بصح لي يا فلان
طرفك دوام ناعس وأنا طرفي ما غفلان
ظهرت شكلك بان
كوكب منير أشرق من فوق غصين البان
كم ليك محب تعبان
درب العشق ساهل ودرب الوصال صعبان
كالظبية في اللفتان
أما الخديد ناعم ذي زهرة البستان
تجد الطباع آمن
وحسن بديع رائع منظر جميل فنان
لا يحصى وصفه لسان
وجهك بدر كامل من البدور إحسان
ما قصدي فيك لمسان
مقصودي بس شوفتك لا تضيعني يا انسان
القمري في الاغصان
ذكرني ألفاظك وقلبي انطرب فرحان
يتواري لي لمحان
بروق درر فاهك بالراح والريحان
ليه كفك اتحنن
وليك قلب قاسي ما فيه لي حنان
يالراقص الفنان
حبك ملك قلب وجننت عقلي جنان




صالح عبد السيد ( ابو صلاح )
__________________
[motr]
رحلوا ولموا طرفهم ....الناس البعرفهم ....ويروي الديره سرفهم ...
[/motr]
جمانه غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 10:37 AM


Powered by vBulletin™ Version 3.8.7
Copyright © 2019 vBulletin Solutions, Inc. All rights reserved. منتديات