العودة   ~ منتديات مدينة سنجة ~ > ®¤*~ˆ° الاسره والمجتمع ®¤*~ˆ° > المرأه والاسره

إضافة رد
 
أدوات الموضوع انواع عرض الموضوع
قديم 04-23-2017, 02:19 PM   #1
صفيه كرم الله
:: مراقب ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 12,589
افتراضي تجهيزان رمضان

ايه رأيكم ممكن نبدأ مع بعض
ترتيب وتنظيف البيت قبل رمضان
هيوفر وقتك ومش هتتعبي في تنظيف البيت للعيد

**غسيل الحوائط وتنظيف البراويز المعلقه وساعات الحائط والنجف.
**غسيل السجاد ويتشال وتفرشي مشايات صغيرة علشان الحر وتلمعي الشقة كل يومين تلاتة بالشرشوبه بسهولة...
**غسيل الستاير كلها... وشوفي ممكن تعلقي منها ايه وتسيبي ايه على العيد ان شاء الله ...انا بسيب البلاك اوت والخفيف متعلقين في رمضان ... واعلق التقيل على العيد..

**تنظيف أسفل السراير وترتيب الدواليب
أزالة كل ماهو موجود تحت السراير وتنظيف الأرضيه بالمكنسه ومسحها بالمنظف والمطهر وبعد تمام الجفاف الجيد لعدم تواجد رائحه غير محببه تعاد الأشياء مكانها.
**علشان تضمني عدم وجود حشرات حطي شوية نعناع ناشف في منديل ورق ولفيه بسلوتيب وارميه تحت السرير عمرك ما تشوفي حشرات في بيتك.. عن تجربة...

**أعادة ترتيب الدواليب وفرز الملابس التي لم تستخدم مرة اخري ووضعها في شنطة... وتصدقي بيها في رمضان...
الحرص على نضافه الدولاب من الداخل بالديتول والتاكد من تمام التهويه ثم تعاد الملابس والمتعلقات مره اخرى....

**التاكد من نظافة الأحذيه الخاصه بكل أفراد الأسره ومراجعة مايحتاج الى أصلاحات او تلميع وغسيل.. والتصدق بما لسنا فى الأحتياج اليه..

**تنظيف قماش الكراسى الخاصه بالصالون والأنتريه والسفره كالآتى . تشفط بالمكنسه بالفرشاه الخاصه بذلك . ثم مسحها بفوطه مبلله بالميه وكلور ألوان والحرص على أزالة البقع اولا ان وجدت ثم القيامه بدعكها بفوطه اخرى مبلله بماء فقط معصوره جيدا. ثم الخطوه الخيره وهى باستعمال فوطه جافه تماما ومحاولة أزاله اى أثر للماء
وممكن تبلي فوطة داوني وتمسحي بيها الكراسي هتخلي ريحته روعة.وبعد كده افتحي عليهم المراوح لحد ما ينشفوا تماما.. ** ..

**الحمامات.....
غسل السيراميك والبانيو والتواليت وتنظيف غطاء الغسالة والشفاط والشباك وغسيل ستارة البانيو وستارة الشباك...
ممكن وضع سبتين للغسيل واحد للالوان... وواحد للابيض ...لتسهيل الغسيل وتوفير الوقت...

**المطبخ ودا اهم حاجة في الموضوع.....

**غسيل السيراميك... تنظيف خشب المطبخ بفوطة بها خل لازالة الدهون منه...
وتنظيف البوتجاز و تنظيف الشفاط
**غسيل الاطباق والمعالق و تعقيمها... بوضع نصف كوب خل في طبق بلاستيك وميه سخنة وتوضع الاطباق والمعالق نصف ساعة وبعدين تشطفيها وتشيليها
** تنظيف الثلاجة والديب فريزر
**عمل جرد لمحتويات الفريزر ويكون ذلك قبل شراء متطلبات الشهر الكريم

***تنظيف أرفف المطبخ واعادة ترتيب محتوياتها ومراجعة أحتياجات الشهر.
وتنظيفها من الداخل بفوطة مبللة بالديتول... ونرص الحاجات تاني...
اعتقد كده مش هتعملي دا ع العيد
*لو عندك اطفال اشتري لكل واحد طبق جديد وكوباية فيهم رسومات... لشهر رمضان هيفرحوا بيها جدا ..

**** اشتري كل احتياجاتك ورتبيها
ياميش رمضان... السكر... الزيت... الارز... المكرونات.... التوابل...كل شيئ تحتاجيه... علشان متنزليش في الحر وتتعبي وتقصري في العبادة...

*****127872;** لبس العيد
اشتريه الاسبوع الاخير في شعبان بدل ما تلفي في الحر وانتي صايمة وتتعبي مع الاولاد وتضيعي منك يومين من العشر الايام الاخيرة في رمضان... ولا تنزلي بعد الفطار وتضيعي التراويح...

بعد كل دا اعتقد هتحافظي على وقتك في رمضان ***127769;لأن الاعمال فيه مضاعفة الي سبعين ضعف...
يعني لو قرأتي ساعة قرآن ربنا يضاعفها لسبعين والله يضاعف لمن يشاء إلي سبعمائة ضعف....
ارجوكم الشهر دا بييجي وبيخلص في غمضة عين.. بندور على حاجات نعملها توفر الوقت... بلاش الفيس في رمضان... هيسرق وقتك ومش هتحسي وبلاش المسلسلات الفاسدة وتضييع الوقت...
تخيلي كده لو ضيعتي ساعة كل يوم في رمضان يعني ثلاثين ساعة تساوي ختمتين قرآن.... يااااااه
خسارة والله
***11088;اغتنموا شهر رمضان... فهو تجارة رابحة مع الله سبحانه وتعالي...

اتمني اكون افدتكم
وكل عام وانتم بخير
اللهم بلغنا رمضان يا رب العالمين
__________________
نقره لعرض الصورة في صفحة مستقلة
صفيه كرم الله غير متواجد حالياً   رد مع اقتباس
قديم 04-24-2017, 09:11 PM   #2
جمانه
# مجلس الشورى #
 
الصورة الرمزية جمانه
 
تاريخ التسجيل: Mar 2010
المشاركات: 8,998
افتراضي

مرحبا ام عسجد
مشكورا على هذا الطرح المفيد
النظافة ثلاثة أنواع
مضافة يومية روتينية
مضافة أسبوعية
نظافة موسمية في الأعياد وللمناسبات ، بالنسبة لشهر رمضان الفضيل نظافة المطبخ تعني الكثير وهي نظافة غير عادية لأنها بجانب تنزيل كل دولاليب المطبخ وغسلها ونظامه الحيطان والبتوجاز التلاجة وتفريغ الفريزر فهي ايضا عملية حصر لكل الأدوات والمواعين للتأكد من اكتمالها وتحديد ما إذا كنّا سنحتاج للمزيد منها .
__________________
[motr]
رحلوا ولموا طرفهم ....الناس البعرفهم ....ويروي الديره سرفهم ...
[/motr]
جمانه غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 05:12 AM


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved. منتديات