العودة   ~ منتديات مدينة سنجة ~ > ®¤*~ˆ° الادب والفنون ®¤*~ˆ° > الشعر والخواطر

إضافة رد
 
أدوات الموضوع انواع عرض الموضوع
قديم 04-18-2016, 07:48 AM   #1
خالد بابكر محمد حمد النيل
:: مشرف قسم الكمبيوتر ::
 
الصورة الرمزية خالد بابكر محمد حمد النيل
 
تاريخ التسجيل: Mar 2010
الدولة: السودان - أبونعامه
المشاركات: 7,534
افتراضي عاشق الخلود الشاعر عبد الله النجيب شاعر العيون


عاشق الخلود الشاعر عبد الله النجيب شاعر العيون


عاشق الخلود
(1)
بحب الناس ... وبعشق زهرة الاحساس... وكت ما تشيل وتتفتح .. تموع والنسمة فوق أعطافها تترنح ...
وترقص فى صدور الناس ... فرح أنواره تشهق ماس ... ونسمة رقيقة تسرح حلوة الأنفاس ...
بحب الناس ... ودنيا الناس ... وناس الناس ...
**
(2)
بحب النيل ... وموية النيل ... ولما القمره تنزل فى ضفافه الخضرا تتمشى ...
بختك جوه فى المنديل ... وارشك بيه كم رشه ... عشان النيل ... أبونا الصاحي قلبه دليل ...
ينور للفرح قنديل .. ويفتح صدره للقشه ... صغيره ومدهشه .. وهشه ... تعوم فى موجه ما بتخشى ...
ومن رعشاته تضفر للنجوم اكليل... عشان النيل كريم وأصيل ... بحب النيل ... وموية النيل ...
وبنت النيل ... ونيل النيل ...
(3)
بحب الليل ... وسر الليل... ولما الآهه تتمدد ... وتتمرد... وتاخذ من غنانا تشيل ...
وتحلف تانى ما تحمل ندى الأحزان .. بحب الليل هوى الفنان ...
ومكمن سره.. مصدر وحيه .. قلبه البى الأمل …مليان بحب الليل غنا وتلحين ..
ونمة آهه من مسكين ... عشق واحبابه غابوا سنين ...
بحب الليل ضفاير عزه بنت الريح .. بحب الليل هوى وتبريح ...
وصوت ذكار بيستغفر ... ويختم ليله بالتسبيح ... بحب الليل ... وفن الليل ... ودنيا الليل ... وناس الليل ..
**
(4)
بحب الشارع الممدود من النجمه .. وعيون الشمس طالعه شروق ...
بحب القنجه والدمور وريحة الزحمه وسط السوق .. بحب اخوانى ساعة يلحقوا المضيوق ..
سواقى القدره ماشه تسوق ... وناس الشارع الممدود بعد وقفه .. وسلام .. وكلام
يسوقوا الدنيا لى قدام ... تشاهد فى العيون أحلام ... وناس مرسومه بالآلام...
وناس سرحانه .. حب وغرام .. وناس غرقانه فى الأوهام ... وماشه الدنيا .. لى قدام...
بحب الشارع المليان بريحة الناس... بحب الطيبه والايناس ... بحب الشارع .. الانسان ..
طويل .. ممدود .. قديم من سالف الأزمان ... بحب الناس تكافح والرزق ميزان ...
بحب القدرة والامكان ... بحب القدرة والامكان ...
**
(5)
بحب الريف ... وناس الريف ... ولما الصيف يزوره وفى دروبه يقيف ...
بنادي الغيمة تتهادى .. وفوق وديانه تتمادى ... تغني وترسل انشادها ...
بحب الريف ... عشان انسانه شهم شريف ... عصامي .. وقلبه حر ونضيف ...
بحب الريف ... وطعم الريف .. وناس الريف ... وريف الريف ...
**
(6)
بحب الدار ... وناس الدار ... ولما الزول تحرقه العطشه – يوما – زى سموم النار...
يناغم ناسه – " يا ساتر ويا ستار "... تجيه الشربه هاشه وباشه – هاك آزول...
نداوة الطيبه تقدح تسقى وتنقع المعسول .. كلامن بالعفاف مشمول ...
وذوقن خاتى من القول... عيونن آهـ ... سلامن ... آهـ كلامن .. آهـ...
تشيلن فى الضمير تذكار .. تغني جمالن المنحوت من الأنوار..
وتكتب فيهن الأشعار ... بحب الدار ... وأهل الدار ... ودار الدار ...
**
(7)
بحب الناس .. ودنيا الناس... بحب النيل ... وبنت النيل ... بحبك يا تراب وطنى وبحب ماضيك ..
وبعشق حاضرك الزاهي .. وبحب العيشة فى واديك .. وبعشق فيك عيون .. وعيون ..
وتانى عيون ... كمان وعيون ... عشان السمره فى السمحين بعيش مفتون ...
أنا المجروح .. وما محزون ... بغني جمالك الزاهي ... وأقول يا ربي يا الآهى ...
يصونك وانت متوشح ... خصال الطيبة والأمجاد ... تدوم أيامك الخالدات وتصبح فى الزمان أعياد...
وانت تكون ... مجال الرفعه .. ضل الرفعه للمحزون ... وأشاهد ناسك الحلوين وأكون معيون ...
أزاى عيون ... دواى عيون ... وأبقى العاشق المرهون ... لكل جميله فيها عيون ...
أنا السمونى فيك بالشاعر المجنون ... بحبك يا وطن .. يا نيل .. بحب الريف.. بحب
الليل.. بحب الدار.. بحب الناس .. بحب
النيل وأعيش ممنون...
__________________

نقره لعرض الصورة في صفحة مستقلة


خالد بابكر محمد حمد النيل غير متواجد حالياً   رد مع اقتباس
قديم 04-18-2016, 09:43 PM   #2
سلوى
:: المراقب العام ::
 
تاريخ التسجيل: Feb 2010
المشاركات: 4,547
افتراضي

(7)
بحب الناس .. ودنيا الناس... بحب النيل ... وبنت النيل ... بحبك يا تراب وطنى وبحب ماضيك ..
وبعشق حاضرك الزاهي .. وبحب العيشة فى واديك .. وبعشق فيك عيون .. وعيون ..
وتانى عيون ... كمان وعيون ... عشان السمره فى السمحين بعيش مفتون ...
ما اروع تلك الكلمات
اختيار لشعروشاعر رائعيين
شكرا كتير خالد
سلوى غير متواجد حالياً   رد مع اقتباس
قديم 04-18-2016, 09:43 PM   #3
سلوى
:: المراقب العام ::
 
تاريخ التسجيل: Feb 2010
المشاركات: 4,547
افتراضي

(7)
بحب الناس .. ودنيا الناس... بحب النيل ... وبنت النيل ... بحبك يا تراب وطنى وبحب ماضيك ..
وبعشق حاضرك الزاهي .. وبحب العيشة فى واديك .. وبعشق فيك عيون .. وعيون ..
وتانى عيون ... كمان وعيون ... عشان السمره فى السمحين بعيش مفتون ...
ما اروع تلك الكلمات
اختيار لشعروشاعر رائعيين
شكرا كتير خالد
سلوى غير متواجد حالياً   رد مع اقتباس
قديم 04-19-2016, 05:35 PM   #4
جمانه
# مجلس الشورى #
 
الصورة الرمزية جمانه
 
تاريخ التسجيل: Mar 2010
المشاركات: 9,075
افتراضي

كلمات ساحرة ***65275;مست مشاعري جادت بها قريحة شاعر مرهف الاحساس ..
__________________
[motr]
رحلوا ولموا طرفهم ....الناس البعرفهم ....ويروي الديره سرفهم ...
[/motr]
جمانه غير متواجد حالياً   رد مع اقتباس
قديم 04-21-2016, 08:25 PM   #5
خالد بابكر محمد حمد النيل
:: مشرف قسم الكمبيوتر ::
 
الصورة الرمزية خالد بابكر محمد حمد النيل
 
تاريخ التسجيل: Mar 2010
الدولة: السودان - أبونعامه
المشاركات: 7,534
افتراضي

اقتباس:
المشاركة الأصلية كتبت بواسطة جمانه مشاهدة المشاركة
كلمات ساحرة ***65275;مست مشاعري جادت بها قريحة شاعر مرهف الاحساس ..



التحية لك و التحية للشاعر عبد الله النجيب

المعروف بشاعر العيون

__________________

نقره لعرض الصورة في صفحة مستقلة


خالد بابكر محمد حمد النيل غير متواجد حالياً   رد مع اقتباس
قديم 07-27-2020, 07:46 AM   #6
خالد بابكر محمد حمد النيل
:: مشرف قسم الكمبيوتر ::
 
الصورة الرمزية خالد بابكر محمد حمد النيل
 
تاريخ التسجيل: Mar 2010
الدولة: السودان - أبونعامه
المشاركات: 7,534
افتراضي

مررت من هنا فما اطيب المرور برفقة منتدانا

__________________

نقره لعرض الصورة في صفحة مستقلة


خالد بابكر محمد حمد النيل غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 12:52 PM


Powered by vBulletin™ Version 3.8.7
Copyright © 2020 vBulletin Solutions, Inc. All rights reserved. منتديات