العودة   ~ منتديات مدينة سنجة ~ > ®¤*~ˆ° الادب والفنون ®¤*~ˆ° > الغناء والموسيقى

إضافة رد
 
أدوات الموضوع انواع عرض الموضوع
قديم 04-10-2012, 09:22 PM   #21
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

اقتباس:
المشاركة الأصلية كتبت بواسطة صفيه كرم الله مشاهدة المشاركة
[motr]ان شاءالله لى تسلم اخوووووووووووى [/motr]

مشكوووور كتير اخ امير على المرور الجميل والاضافة الاجمل
والمجهوووود الجبار المقدر باذن الله

واصل من غير فوااااااااصل ومنتظرييين مزيد من الابداع



ممنوع الوقووووووف
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 04-10-2012, 09:25 PM   #22
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

نغيم فاهك يا أم زين


علي المساح


قيل والعهدة على الراوي …كما سمعتها منذ فترة طويلة في الإذاعة السودانية وان الشاعر المساح قدم الى مدينة واد مدني قادما اليها من الخرطوم لتقديم واجب العزاء في عزيز مات … مع صديق له وكانت أخت المتوفي (أم زين ) قد استقبلتهم عند قدومهم من السفر … ورغما عن المناسبة .. والموقف الحزين .لاحظ شاعرنا الجمال الصارخ الذي تتمتع به (أم زين).وكانت حزينة جدا تنوح وتبكي وتوصًف وتتدفق دموعها حزينة ملتاعة….فقام الشاعر بتطيب خاطرها وتهدئتها..بكل الوسائل حتى مسح ..الدموع من خدودها (أنا المسَاح …دمع البكى …آخر بيت في قصيدته ) .



نغيم فاهك يا أم زين دواى

شفاى البجبر … قواي

يا أم حبا ردف .. تواى

كمل صبري وزود هواي

رقى رقى جودي بدواى

ظمأى بعدك وقربك رواى

أقيم ليلى واحسب سهاى

يغيب عقلي وافقد نهاي

وفى جسمي ظاهر وهاى

اسعفينى دنا … إنتهائى

ذكرت البين ليه ياغراب

صياحك يافراق يا خراب

ديار أم زين كانت قراب

غبن بانن في … السراب

البدر محيك وشعرك كليل

يميل خصرك منه العليل

تقل ردفك لاعضاك فليل

قتيل حبك ودمعي الدليل

رق جسمي وصابه انتحال

على حبك حمل الرحال

ومن بعدك أنا حالي حال

يالقمره وصالك محال

أنا أعيد الحب من جداد

أنا الحافظ حق الوداد

أنا الهائم والناس شداد

أنا اللابس توب الحداد

أنا الكاتم السر ما حكي

أنا الحاضن البلا ما اشتكى

أنا الحجة بحل مشبكا

أنا المساح دمع البكا
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 04-10-2012, 09:33 PM   #23
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

كم نظرنا هلال


صالح عبد السيد ( أبو صلاح )




كم نظرنا هلال ما شاقنا غير هلالو

ما أظنو زلال يروينا غير زلال

أرى الهلال ينقص وأرى محيو يتجلالو

كل يوم يزداد في خديدو نور يحلالو

تتقاصر الأبصار من حسنو من إجلالو

يتيه يصد باسم آه .. ما ألذ دلالو

ألذ شيء قُربو وغزلي النظر في جمالو

وأمرّ شيء بعدو وجفاهو وإهمالو

أرى الغصون بتميل وأظن هواها أمالو

على الخلاف وإذا مَيّل عليّ أنا مالو

طرفو ليه نعسان وأنا طرفي ليه يصحالو

يتلو آية الحب الفي الخدود لايحالو

جمالو كل ما يزيد جسمي يزيد إنحالو

أما قلبي الضّاع خلّي اليروح في حالو

إذا أدار لحظو على جبل دكّالو

ولو بَسَم أنزل دمع السحاب أبكالو

قلبو لا يشفق على عاشقو مهما شكالو

حبيبي طبع الطير ينزل على أشكالو

أنا لي حبيب يا ليل نوم العيون ملالو

وليْ حبيب يا ليل قتل النفوس حلالو

وليْ حبيب يا ليل تشوف خِدودو يلالو

مع الظلام تشتاق الزهرة تدّلالو
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 04-10-2012, 09:46 PM   #24
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

أنا في التمني –

غناء خلف الله حمد


كلمات ود الرضي


أنــا فــي الـتـمني ديـمـه هـديلي سـاجع
مـا لـقيت لـي مـغيث ولا لـقيت لـي مـراجع
داير أشوف حبيبي اليوم داك شفته رايق ودمعه ناقع
أســود شـعـره حـالـك أمـا صـفاره فـاقع
تـتـلاصف خــدوده لا حـجـاب ولا بـراقـع
أشـوف لـعسو ونـواعسو جـل الـباري صانع
أشـوف فـي خـده شخصي وفي صدري المضارع
يـفـر خـيت بـسـمه بـرقـاً لـيـله هـاجـع
يـرفـع لــي رشـاشـه يـسبل نـظره واقـع
دايــر أشـوفو غـافل ودايـر أشـوفو جـاذع
يـتـغطى بــي سـواعده ومـحنو كـان واجـع
يــردد لــي نـغـيماً تـشتاق لـي الـمسامع
أعـاين فـيه وأضـحك وأجـري وأجـيه راجـع
مـتـلاعب لـيـس إلا مــا مـوضوع مـطامع
أقـيـس بـالليل شـعره ألـقى الـفرق شـاسع
دي مــا بـيـلقاها زول زي صـيـده نـاجـع
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 04-10-2012, 09:48 PM   #25
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

ما بنسي ليلة


الشاعر / محمد بشير عتيق


ما بنسي ليلة كنا تايهين في سمر بين الزهور
انا وانت والنيل والقمر
وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر
ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر
الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر
شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر
انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 04-10-2012, 09:50 PM   #26
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

من حور الجنان

الشاعر سيدعبدالعزيز



مشاركة مجموعة أغانى وأغانى

من حور الجنان أم أنت إنسان الكمال
هل أنت الملاك جيت تورى الناس الجمال
سبحان من أنشاك حسناً فى غاية الكمال
يهواك الجنوب واليك ينقاد الشمال
وما أظن يحصوا حسنك لو يحصوا عدد الرمال
وبايه يقدروك يا ملك ملوك عصر الجمال
سلطان بهجتك محروس بجيوش الجلال
ويغار من صفاء حسنك صفاء ماء الزلال
فى مراية خدودك أِشوف تأكيد سحر الحلال
وأِشوف فى سما حسنك كل يوم يسطع هلال
صفا ماء الجمال فى مجال جمالك راق وجال
زى ماء الحياء فى عيون ربات الحجال
وما فعل السلاح تفعل عيناك النجال
مكسور الطريف كسر قلوب الرجال
يا خلاصة المعاني الصار معناك موضع مثال
فوق المحسنات حايز لطف وكرم خصال
الهة الجمال يعترفوا ليك ماليك مثال
تتمنى البدور تقبيل يداك بامتثال
يا طايل الوريد يا أهيف يا اللى خصمه زال
فيك منظر يحنن وفيك منظر فارس النزال
ليك من الغزالة جبين وقاد وعيون غزال
الحور من مناصبها لى قدرك تكتب نزال
يالغصن الرطيب عاجبنى فيك الإنهداك
اللادن قوامك من ملين وذو اعتدال
جوهر حسنك الصافى وسيرك طاهرات عدال
آيت بينات مافيهن للكافر جدال
شاركت الغمام والموج مناظر وإرتحال
شاركت الظبا فى نفرتن والاكتحال
شاركت القلوب فى موضعهن وعلى كل حال
نفداك بالنفوس وفدا النفوس كان المحال
__________________
نقره لعرض الصورة في صفحة مستقلة

التعديل الأخير تم بواسطة امير عبدالله همه ; 06-04-2012 الساعة 09:42 PM
امير عبدالله همه غير متواجد حالياً   رد مع اقتباس
قديم 04-10-2012, 10:10 PM   #27
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

من الاسكلا وحلّ


هاهي الدموع تبلل ثياب ود الرضي بعد رحيل مليم إلى جنوب السودان وهى فاتنة شعراء
الحقيبة في ذلك الوقت في أغنية من الاسكلا وحلا.... وقصة الأغنية أن سرور رأى مليم وهى
تتجه مع أسرتها على الباخرة المتجهة إلى جنوب السودان من الاسكلا التي هي مرسى السفن
الذي كان يقع جنوب منطقة فندق الهيلتون الحالي .....فتألم سرور كثيرا لفراق مليم فطلب من
قبطان السفينة أسماء المدن التي تمر بها الباخرة ثم أخذها مسرعا إلى ود الرضي الذي كان
يجلس مع الشاعر احمد حسين العمرابى في دكانه بالخرطوم وكان سرور حزينا وحكي لهم
خبر سفر مليم وطلب من ودالرضى تأليف أغنية بهذه المناسبة بعد أن أعطاه أسماء المدن ...
.وعلى الفور جادت قريحة ود الرضي الشعرية بأغنية من الاسكلا وحلا وكان الوقت منتصف
النهار فحفظها سرور وتغنى بها في المساء....بعض الرواة قال إن البيت الأول من الأغنية
من تأليف سرور لكن حسب رأى الشخصي إن سرور لم يعرف عنه قول الشعر الغنائي لذلك
استبعد هذا الرأي ...والبعض يقول إن العمرابى شارك في تأليف الأغنية ...ولكن مفردات
الأغنية تنفى هذا الرأي.
الاستاذ مبارك المغربى سمى هذه القصيدة بالقصيدة الجغرافيا لذكرها حوالى العشرين مدينة سودانية
من الشمال إلى الجنوب عكس مجرى النيل....لكن مبارك المغربى في كتابه رواد شعراء الأغنية
السودانية عاب على القصيدة ارتجالها وقال إنها مصنوعة ولا تمثل الصدق الشعوري عند الشاع
ر فجاءت بسيطة الكلمات قريبة المأخذ لاترى فيها روح التجديد والتطوير ..انتهى كلام الأستاذ الكبير
مبارك المغربي ....ولكنني اختلف مع أستاذنا الكبير عليه الرحمة وأقول إن هنالك صدق شعوري
عند الشاعر لأنه يعرف مليم جيدا وقال فيها أكثر من قصيدة مثل تلفان من الأجفان ومية وثمانية
وستة وستة حبيبي حليلو القام يوم ستة.... فمليم ملهمته وتألم لرحيلها وفراقها لذلك انشد من
الاسكلا وحلا وسكب فيها الدموع التى سالت حتى بللت ثيابه في مطلع القصيرة وفى
ختامها حيث يدعو دموعه للانهمار والتدفق..
من الطرائف المرتبطة بالقصيدة إن سكان أم جر عاتبوا الشيخ ود الرضي لعدم ذكره اسم قريتهم
فقال لهم ( عاد لا حوله لا قوة دى من منو ...ما منكم انتو)..والى القصيدة:




من الاسكلا وحلّ......قام من البلد ولّى
دمعي للثياب بلّ
********
بى داهى العذاب حلّ....وبى تذكاره بتسلى
قلبي الذاب واختلّ.....وين بدر التمام هلّ
*******
صفر ودع الوابور......حاجزين قمره أتنين دور
الوابور مرّ بالمجرور....شال ظبيا سكونو خدور
*********
جبل أوليا حبيبي غشا.....وحصل في القطينة عشا
يا قلبي الطفش وفشا.......الما آليته......... ينكفشا
********
حل زى الصقر خوى......بالبدر الدويم ضوّى
عاد لا حوله لا قوّه......حبيبي الليله في الكوه
*******
صباح الخير على ام نفلين.......أهني البيها محتفلين
سيد الحسن رب اللين.......شرف كوستى والجبلين
********
هنيئا حان وقت زهاك.........الرنك احتفل ببهاك
وين الليله يا النشهاك......يا ليت كنت في جلهاك
********
يا كاكا الحبيب طلاك......بعده الزاد نفوسنا هلاك
يا ملوط حليل نزلاك........يازمن الفراق نسلاك
*********
بقدومك كدوك أصبح.......سوقو من الكساد ارباح
انا من نياحى صرت ابح........كأنى فى مبرك المذباح
**********
زاد من بعدك الانكال......قلبى البالهموم..... انكال
شاطري العاصمه يا ملكال.....توفيقيه صبرى انا كال
*********
شامبى أضحى بيك مسرور.....بعد المنقلا يا سرور
يا جوبا حي أنا المضرور....بعده النوم بقى لي ضرور
************
من دا الهم ما بنجى.........حبيبي الليله في تونجا
يا خالق الخلق تنجا.......تركاكا..... حلت العنجا
********
سلام متنامى ما غبّ.....ما مرّ النسيم صبّ
يرضى ال للعفاف ربى....ويخدم كامل الرتبا
*********
صب يا دمعي لا تكون جاف......وياقلبى البقيت رجاف
البدر الخفا....... الانجاف.....اليوم شرف...... الرجاف
********
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 04-10-2012, 10:30 PM   #28
بهجه كرار
عضو مميز
 
الصورة الرمزية بهجه كرار
 
تاريخ التسجيل: Feb 2011
المشاركات: 1,879
افتراضي

الله الله ابداع ما في اجمل من كدا .. بالله شفتو حقيبتنا دي جميلة كيف
سلمت يمناك يا الامير
__________________
نقره لعرض الصورة في صفحة مستقلة

التعديل الأخير تم بواسطة بهجه كرار ; 04-11-2012 الساعة 05:48 PM
بهجه كرار غير متواجد حالياً   رد مع اقتباس
قديم 04-11-2012, 01:37 AM   #29
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

اقتباس:
المشاركة الأصلية كتبت بواسطة بهجه كرار مشاهدة المشاركة
الله الله ابداع ما في اجمل من كدا .. بالله شفتو حقيبتنا دي جميلة كيف
سلمت يمناك يا الامير



يسلم نظرك بهجتنا

الأجمل مرورك .. والحقيبة هي تراث أمة متكامل
التحية لأم عسجد لتطرقها لهذا الفن الأصيل

إن شاء الله موعودين بالكثير
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 04-11-2012, 01:19 PM   #30
سلوى
:: المراقب العام ::
 
تاريخ التسجيل: Feb 2010
المشاركات: 4,547
افتراضي

ما بجي منك الا السمح يا امير

تابع ونحن معاك مع الفن الاصيل

عايزة طلب ...لو لقيت لي اغنية صلاح بن البادية هي ما حقيبة لكن عايزة قصة اغنية (( كلمة )) حقت بن البادية ياريت لو لقيتها لي اكون ممنونة والله
سلوى غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 06:38 AM


Powered by vBulletin™ Version 3.8.7
Copyright © 2019 vBulletin Solutions, Inc. All rights reserved. منتديات