العودة   ~ منتديات مدينة سنجة ~ > ®¤*~ˆ° الادب والفنون ®¤*~ˆ° > الغناء والموسيقى

إضافة رد
 
أدوات الموضوع انواع عرض الموضوع
قديم 06-02-2012, 10:39 PM   #21
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

الوافر ضراعو

ذكر لي الباحث في التراث الأستاذ خالد الشيخ حاج محمود إن شاعرة أغنية
الوافر ضراعو هي الهويدة وهى من مناطق سنار ، وذكر الأستاذ خالد إن
الهويدة يطلق عليها الرحمة أيضا . ولقد قالت الأغنية في الأمين ود مسمار
ولقد سمته نمر العبدلاب ...والأمين ود مسمار أيضا قالت فيه أخته رقيه بنت
مسمار الآلاف درجن والتي تحدثنا عنها سابقا ، ولقد تغنت بهذه الأغنية
الرحمة مكي وكذلك مهله العبادية كما تغنى بها بادي محمد الطيب ومبارك حسن
بركات والفنان الكبير إبراهيم عوض



الوافر ضراعو


الوافر ضراعو أمنتو الرسول
مأمون الوداعه برد دار أبوه
********
غنى يا الهويده
لود البها وجريت القصيدة
شال الصوت عرض تاية أخوى فريدة
يا جنيات انصرفو ميزة أخوى بعيدة
*******
تغنى الفى جرفو
لود البها والخلوق بتعرفو
شال الصوت عرض يا جنيات انصرفو
نمر العبدلاب الما بيرجف كتفو
**********
غنى يا سلكوكه
جر النم عليه وخنقى الدلوكه
انت يا الأصم يا الما بحمسوكا
يا ضرب يومين تنزل فوق عدوكا
*******
تغنى الرحمه قالت
يا قشاش دموعي العلى سالت
وقت الحاره جات والفرسان ان جالت
نادولى الحسن تومى الحرابه دارت
*********
فهمك مو دراسه
يالنيل الطمح كسر التُّراسه
وقت الصيح وقع والفرسان تتواسى
برد دار ابوك تضرع ضحى وناسا
**********
فهمك مو قليل
يالهامه اب زنود فى السموم تقيل
يا رحل الكحل بالشضاض تميل
جيت يا خيرنا قش دمعى المسيل

اعتمدت في رواية النص على الفنان بادي محمد الطيب مع إضافة المقطعين
الآخرين من تسجيل للفنان مبارك حسن بركات وهنالك أيضا بعض الأبيات تغنيهم
مهله العباديه واشك أنهم من أصل القصيدة مثل ...


الصدر رمان والشلوخ مطارق
لون البرتكان للدمى حارق
لون البرتكان للدمى حارق
يا قمر دورين يا ضو المشارق
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 06-02-2012, 10:42 PM   #22
كمال محمد (قجه)
:: المشرف العام ::
 
الصورة الرمزية كمال محمد (قجه)
 
تاريخ التسجيل: Feb 2010
الدولة: المملكة العربية السعودية - الرياض
المشاركات: 45,145
افتراضي

الزول الامير تعجز كلمات الشكر فى مدحك

على ما تقوم به من جهد مقدر

بارك الله فيك وبحق بوست قمة الابداع والجمال

تسلم ي راقى ولك كل التقدير
__________________
كمال محمد (قجه) غير متواجد حالياً   رد مع اقتباس
قديم 06-02-2012, 10:43 PM   #23
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

النعيم ودحمد

أغنية النعيم ود حمد من كلمات رجل اسمه بابا ، وكان النعيم عمدة للمعيلق ....
بعد مدح بابا للنعيم غضب أهل بابا نسبة لبعض الخلافات بينهم والنعيم ود
حمد فاشتكى أهله للشيخ الجيلى ود العباس ود بدر ناظر الخط الخامس جهة
الكاملين فقال الشيخ الجيلى لأهله ( انا بابا دا وسمتو وطلعتو) فمدح بابا
الشيخ الجيلى ود الشيخ العباس ود بدر بأغنية ( البشيل فوق الدبر ما بكل )
وسنتحدث عنها لاحقا ... أغنية النعيم ودحمد تغنى بها خلف الله حمد ومبارك
حسن بركات وثنائي الدبيبه




النعيم ودحمد

كلمات بابا
رواية الفنان / خلف الله حمد

يا الأحييت سنن البرامكه
وعاجبني طول ايده سامكه
يا يابا قول النعيم درّاج المتابكة
********
النعيم يا فحل القبائل
كريم لمام الهمايل
شيتا براك ما أظنو خايل
ايدو أم ِرويق والقِبلي شايل
********
النعيم يا قاصدين لبا
خشمو انطبع لي مرحبا
هو عزيمتو ما بردخا
والبتسبل للضيف بضبحا
*********
النعيم قادل وحدو
ما تكترو وتتقعدو
هو رب القدرة ساعدو
ختو لو الصحة ما فنتدو
********
غنيت لدابي الرجيمة
ما بحوى على البهيمة
هولك الشكرات قديمة
ما بشيل المال الفي القسيمة
********
أنا غنيت للولد
الاسمو النعيم ود حمد
وكت العيش ِبقى بالقبض
ديوان النعيم ولا بنسد (انت الكبرى الركز البلد )
********
غنت ليك أم رشوم
هو مو لها وطق خُشوم
وكت العيش بقى معدوم
فوق ضهرو الولية تنوم
*******
النعيم الشكر ليهو ُقلتو
بسبل بتوب سترتو
زي القمر في ُبهرتو
باجور شخرت ماسورتو
********
يا الشرفت القضا
ويا الحاكيت من مكوار بدا
خدامتو القعدا
هيِ بتدرِش قالت قضى
*******
انا غنيت جبت وصفو
مكتوب الشرف على كتفو
ناطو ليه ما لحقو حرفُو
ديل القبيل ماكلنو حرفو
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 06-02-2012, 10:46 PM   #24
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

كسار قلم ماكميك


ماكميك هو السير هيرالد ماكمايكل والذي ولد في سنة 1882 وتوفى سنة 1969
وهو ادارى بريطاني تخرج في كمبردج وبعد تخرجه التحق بالخدمة المدنية
لبريطانيا حيث عمل بالسودان الانجليزي المصري وقتها إداريا في النيل
الأزرق سنة 1915 وبعدها كبير المفتشين بالخرطوم ووصل إلى قمة السلك
الادارى حيث شغل منصب السكرتير الادارى في السودان سنة 1926 أما كسار قلم
ماكميك فهو الشيخ عبدالله ود جادالله ناظر الكواهله وهو جد السيد الصادق
المهدي لامه حيث تزوج السيد الصديق المهدي الرحمة بنت عبدالله ود جاد الله
... وكانت نظارة عبدالله ود جادالله تسيطر على المنطقة بين النيلين حتى
الشكابه وانقسمت بعد ذلك إلى ثلاث قطاعات وهى نظارة عبدالله ود شاع الدين
ونظارة هبانى في نعيمه ونظارة أولاد زايد ما بعد الحوش حتى الفاو .. أما
الشقيق والتي كانت تقع فيها نظارة عبدالله ود جادالله فتقع في الجزء
الشمالي الغربي من ولاية النيل الأبيض يحدها من الشمال قوز ود حمارى ومن
الشرق قرية السيال إلى حدود قرية الشيخ الحسين وما جاورها ومن الجنوب قرية
المراخه وغربا قرية المقيرينات الى حدود منطقة الهلبه ،وتقطن هذه المنطقة
قبيلة الكواهله و الجعليين والماجدية والحسانية وبعضا من الجموعية قليل من
القبائل الأخرى.. وتتكون منطقة الشقيق من عدة قرى تزيد عن 35 قرية .
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 06-02-2012, 10:50 PM   #25
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

تزوج الإمام محمد احمد المهدي فاطمة بنت الحسين الحجازية من الشوال وأنجبت
له أم سلمه والتي تزوجها عبدالله ود جادالله كسار قلم ماكميك وأنجب منها
ابنته رحمة والتي تزوجها السيد الصديق المهدي وأنجبت له السيد الصادق
المهدي ،اى ان كسار قلم ماكميك هو جد السيد الصادق المهدى لامه.
قصة أغنية كسار قلم ماكميك إن عبد الله ود جادالله اختلف مع ماكمايكل في
بعض الأمور الاداريه فهدده ماكمايكل بكتابة تقرير عنه فامسك عبدالله ود
جادالله بقلم ماكمايكل الخشبي وكسره ورماه ، فلقب عبد الله ود جاد الله
بكسار قلم ماكميك وسميت نظارته بنظارة كسار قلم ماكميك ، ولقد أدت هذه
الحادثة فيما بعد إلى تحويل النظارة من أسرة عبدالله ود جاد الله إلى أسرة
الاعيسر وهم أبناء عمومته ( في نهاية السبعينات وأنا صغير أتيحت لي الفرصة
لمقابلة الشيخ محمد فضل الله الاعيسر المشهور بالهرديمى ناظر الكواهله بأم
بادر حيث كان والدي يعمل هنالك ) ..
ولقد ذكر الأستاذ خالد الشيح حاج محمود إن شاعرة هذه الأغنية هي مستورة
بنت كوكو وهى من الشقيق وهى كاهلية ولقد غنت هذه الأغنية أم بارود والرحمة
مكي وتغنى بها وسجلها للإذاعة الفنان الكبير بادي محمد الطيب له الرحمة
والمغفرة .


كسار قلم ماكميك

عليك بجر النم يا دقر الحرائق
أصبحت كاتم السم عشميق الأصم
********
شدولو ركب فوق اصهبا وحشي
رايو مكملو وكلامو ما هبشي
اديتكم أمانه متقنعه وتمشى
عاشقانى الامانه ضيف الهجعه يتعشى
ما بتطاقش الهسوق وما بطاقشو الهسوق ولدا قبيل منسي
علكيكا كبير ماكميك جنى هكسى
*********
الليله البلد اتباشرو ناسو
يا بحر المحيط مين عبرو وقاسو
بريطانيا والترك ما لينو ساسو
والعضم الكبير كسرو وشرب ساسو
********
شدولو ركب فوق اصهبا مو ربيك
والهوى والشرق شرفا بعاينن ليك
العاقر تقول بلدى وبسمي عليك
يا عيد الضحية البفتحولو البيت
رايو مكملو وكسار قلم ماكميك
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 06-03-2012, 03:40 AM   #26
صفيه كرم الله
:: مراقب ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 12,663
افتراضي

خير الكلام ماقل ودل

لايفهم الذووووق الا اصحاب الذوووق

كلك ذوووووووووووووووووووق
__________________
نقره لعرض الصورة في صفحة مستقلة
صفيه كرم الله غير متواجد حالياً   رد مع اقتباس
قديم 06-03-2012, 03:42 AM   #27
صفيه كرم الله
:: مراقب ::
 
الصورة الرمزية صفيه كرم الله
 
تاريخ التسجيل: Feb 2010
الدولة: السعودية /تبوك
المشاركات: 12,663
افتراضي

نقره لعرض الصورة في صفحة مستقلة

نقره لعرض الصورة في صفحة مستقلة
صفيه كرم الله غير متواجد حالياً   رد مع اقتباس
قديم 06-03-2012, 09:51 PM   #28
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

اقتباس:
المشاركة الأصلية كتبت بواسطة كمال محمد (قجه) مشاهدة المشاركة
الزول الامير تعجز كلمات الشكر فى مدحك

على ما تقوم به من جهد مقدر

بارك الله فيك وبحق بوست قمة الابداع والجمال

تسلم ي راقى ولك كل التقدير


الأخ العزيز/ أبو روان

الفضل بعد الله تعالي يعود إلي هذا الصرح الجميل
والذي أتاح لنا الفرصة , لنخرج ما بداخلنا والتشجيع
الدائم والدعم متى ما طلبنا ذلك دون أن يبخلوا
علينا .. ولجمال هذا الفن وأهميته رأيت أن
أنقله لمنتدانا الجميل وتتزين به حناياه
ولنظل نذطر هذا الفن الأصيل من
الزمن الجميل .. وحتي يكون
مرجع لمن يبحث عنه

شكرا علي المرور الجميل أبو روان
ولك كل الحب والتقدير
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 06-03-2012, 10:09 PM   #29
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

اقتباس:
المشاركة الأصلية كتبت بواسطة صفيه كرم الله مشاهدة المشاركة
خير الكلام ماقل ودل

لايفهم الذووووق الا اصحاب الذوووق

كلك ذوووووووووووووووووووق



الأخت الكريمة / أم عسجد
بالجد أخجلتم تواضعنا ... الشكر كل الشكر لك أنت بعد الله عز وجل
وذلك لتنقيبك الجاد وإستخراج كنز حقيبة الفن الجميلة مما
ألهمنى فى الخروج بهذا البوست _ أغنانى الحماسة _
فى أثناء البحث لم يخيب ظنى ولم يذهب مجهودى
هدرا فوجدت هذا الكنز أيضا , فسارعت بإخراجه
حتى لا يخفيه مارد النسيان , ويضيع فى
زحمة ولخمة ( قوقل ) ... علي فكرة
لو لاحظتى أنت والأخوة بان كتاب
تلك الكلمات أغلبهن من النساء
وذلك لما كان للمرأة دور كبير
في حماسة الرجال وحثهم
للحفاظ علي عروضهم
وأرضهم وأموالهم
علي عكس ما يشاع بأن المرأة في
ذلك الزمان حبيسة المنزل ولخدمة الرجال فقط
بل كان دورها أكبر وأعظم وخرج منهن رجال بواسل
فرسان في شتى المجالات ...


أسعدنى مرورك أم عسجد كثيرا , وأنا علي وعدى إن شاء الله
فى مواصلة دعم بوست حقيبة الفن بالتوازي مع الأغاني الحماسية
لأن في إعتقادي حقيبة الفن لا تنفصل عن الأغانى الحماسية
لأنها أيضا تدعو للحماسه وحث الناس لللتمسك بالقيم
وإظهار الجميل وزم القبيح في كلماتها . . . ودمت في أمان الله
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 06-03-2012, 10:17 PM   #30
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

بدخل في المحاص


كلمات زينب بت فايد قالتها في أخيها الحسن ود فايد... تغنى بها أولاد المأمون وبادي محمد الطيب


بدخل في المحاص أب جلة بتفور قاهر
صمد البجن طابور
**********
شدولو فوق تاتاى
مطلوق الجبين اللى عرضو مو نساى
عجل مشن اب قرون للساهله مو رعاى
لسع صغير وقتين يسوى كيفن الرأي
**********
أرباب الفراسه الوسمو فوق ناظرو
والعوقه أب صفوف انت بتجى بتناظرو
ود فايد حسن ما بتقدرو تناظرو
والخوف حين قسمو أخوى ما حاضرو
**********
يا شقاق عتامير الخلا والصو
يا أب قلبا شجيع صوانو واقف كو
أشعت في القتال ليهو العرض والهو
في كباد الرجال شبع صقور الجو
********
الليله العيال اتسامرو البارود
جاك يا من كان على صف الحرابه يقود
ود فايد حسن الفارس المأسود
كوفيتو أم عبل وسط المحاص بتخوض
**********
عاجبنى العيال الكلهم نجاح
جاك يا من كان يجيك فوق العبار مو شاح
ود فايد حسن الفارس اللفاح
أتبسم لقاهن بين الحجل والراح
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 04:55 AM


Powered by vBulletin™ Version 3.8.7
Copyright © 2019 vBulletin Solutions, Inc. All rights reserved. منتديات