العودة   ~ منتديات مدينة سنجة ~ > ا®¤*~ˆ° لأقــســـام الــعـــامــة ®¤*~ˆ° > سنجه التاريخ > شخصيات سنجاويه

إضافة رد
 
أدوات الموضوع انواع عرض الموضوع
قديم 09-16-2013, 04:33 AM   #11
زينب الحويرص
عضو مميز
 
تاريخ التسجيل: Nov 2012
المشاركات: 1,388
افتراضي


أهلين أخونا الرائع قجة
كيفك والأسرة
شكرا ياشفيف كلامك جميل زي طلّتك... أكيد بتعرف ابراهيم أيام كان بيغنّي في التسعينيات في سنجة . أقول ليك حاجة أنا ذاتي ما كنت قايلاهو بيغني بحكم اني ما قعدت في سنجة كتير اجازات بسيطة وبمشي ...مرة رجعت السودان وجيت المعهد ، وكان طلبة الموسيقى عندهم امتحان فجأة جه دكتور الموصلي يفتش لأي حاجة يدوها لطالب في الموسيقى الكوريين أثنوا على صوته ثناء شديد جدا لنجاحه ولامكانياته الصوتية الممتازة ، وقالوا للدكتور الموصلي شوف لينا مكآفأة للطالب ده ... دكتور الموصلي قال يا جماعة أدوني أي حاجة والناس في المكتب ارتبكوا وما عارفين يعملوا شنو في النهاية وبسرعة أدوهو الموجود ، فكان أشرطة كاسيت شالها ومشى للجنة كمكافأة للطالب ... مشينا قلنا نشوف الطالب ده منو .
كانت مفآجأة ... لقيته ابراهيم ودي كانت أول مرّة أعرف انه أخوي صوته جميل واستمر سفري الى أن جه ابراهيم القاهرة وجه معانا كندا بعد كده.
والحمد لله معانا الموسيقار المحنّك بولينو، وح تسمعوا الكتير باذن الله .
برضه عندنا ابننا الحبيب وليد مامون علي العوض صوته جميل ياريت لو عندكم صورة ليهو أو زول عارف عنوانه .. زول حبيب جدا وعزيز علي كتير، ربنا يرد غربته لما سافرت بريطانيا قالوا كان بجي يغنّي هناك.
تحياتنا ومودتنا الغالية وسلامك لابراهيم يبلغ باذن الله
زينب الحويرص غير متواجد حالياً   رد مع اقتباس
قديم 09-16-2013, 04:35 AM   #12
زينب الحويرص
عضو مميز
 
تاريخ التسجيل: Nov 2012
المشاركات: 1,388
افتراضي


هلا بالدكتور القانوني عماد الدين

الف مرحبتين حبابك
ومبروك عليك نيل الدكتوراه وده شرف لينا كلنا ناس سنجة ، فأي نجاح هو تاج فوق راسنا وراس مدينتنا.
شكرا لقدومك ومشاركتك الجميلة التي أسعدتني حقا .
شقيقي دكتور الفاتح الحويرص اشترك وفاز مرات عديدة في مسابقات المدارس والفعاليات وكتيرين شافوه في التلفزيون و بيعزف عود برضه ، ومرة كان عندنا معسكرلاحتفالات معهد الموسيقى ..في مباني جامعة جوبا في الخرطوم زمان .... لاقيت مجموعة من المشرفين قالوا لي انت أخت الفاتح ؟ الفاتح كان كم مرة اختاروه في مسابقات الموسيقى في المنافسات وكان بطلع الأول وصوته جميل . لكن هسه بي وين مع الحقن والعمليات ... زمن .....
عندي برضه أختي الدكتورة سندس هسه في بريطانيا ، لما كانت في جامعة الخرطوم كان في أستاذ مسمّيها صوت سميرة سعيد ..
الجماعة ديل انشغلوا كتير لكن نحن أهو مكافحين ولو كانوا اشتغلوا بالفن في السودان ماكان ح يقدروا يواصلوا وانت شايف الحاصل...
مولد وسيده غايب... الدنيا جايطة
شكرا وألف شكر لمرورك المقّدر
زينب الحويرص غير متواجد حالياً   رد مع اقتباس
قديم 09-16-2013, 04:37 AM   #13
زينب الحويرص
عضو مميز
 
تاريخ التسجيل: Nov 2012
المشاركات: 1,388
افتراضي

جوجو صاحبتي مرحبتين حبابك
زمان أمي الله يرحمها تقول وطني ولا ملي بطني
الناس دي كلها طلعت مرغمة وكارهة .
الفنان بالذات مكانه في وطنه وبين جماهيره ومحبينه ، لكن انت براك شايفة ، وانت برضه مغتربة وعارفة ليه الوطن بقى طارد. لكن الحمدلله الغربة زادتنا علم وفهم للموسيقى... وكمان الدنيا كلها بقت قرية واحدة والناس بتشارك بعض وهذه محمدة .
شكرا ياستي وتساؤلك منطقي والاجابة دايرة بوست براه عن لماذا يترك الفنان وطنه وجماهيره .
تسلمي يا جوجو
زينب الحويرص غير متواجد حالياً   رد مع اقتباس
قديم 09-16-2013, 04:38 AM   #14
زينب الحويرص
عضو مميز
 
تاريخ التسجيل: Nov 2012
المشاركات: 1,388
افتراضي


الجميلة عفراء
القلم المثقّف تشكّرات كتيرات ياأميرة كلك ذوق
ربنا يوفق الجميع وسعيدين لاعجابك
مودتنا وأكتر
زينب الحويرص غير متواجد حالياً   رد مع اقتباس
قديم 09-16-2013, 04:47 AM   #15
زينب الحويرص
عضو مميز
 
تاريخ التسجيل: Nov 2012
المشاركات: 1,388
افتراضي


الرد كاربت يا جماعة
الريّس وصل ... مراحب ومليون مراحب
انقطعت شوية لكن معاكم تب
مشكور وناس أم زين شاكرين ذوقك وقدومك السعيد
انتاج أم زين كله رد جميل لسنجة الحبيبة ومساهمة من ابنائها في اضافة ثقافية جديدة نتمنّى لبلدنا التمّيز دائما ، نعم ... التميّز لأن منتجك أيا كان ، يحّدث عنك ونحن في أم زين نريد سنجة أن تكون في المقدمة ويكفينا شرفا اعتزازكم سنجة سيتي بنا .
لو حكيت ليك عن الاذاعة ح تتأسف ، ولو حكيت ليك عن شركات الانتاج ح تدّي روحك العجب ، ولوحكيت ليك عن بعض الزملاء للأسف ح تبكي !!!
ودي الحقيقة !!!
وام زين رسالة وطنية لأي انسان بيحب السودان يتقّدم ، وعشان نعلّم أطفالنا وشبابنا انهم يفتخروا بثقافتنا السودانية ويعتزوا بيها ويبدعوا فيها وينافسوا العالم المتقّدم وما يلجأوا لأي جهة أخرى لتقول رأيها في فننا وثقافتنا ويقولوا مابيعرفوا عننا حاجة . وللعلم دي ما غلطة أيّا منهم انما هي غلطة وخلاص !!!.
أم زين رمز لحبنا وارتباطنا وافتخارنا بوطنا ورد جميل واجب قد لا يجد التقدير من البعض ولكن نتمنّى القبول ما أكتر . ما دام الوطن في القلب لابد للمبدع أن يستلهم من ثقافة بلده مايحفّزه للابداع ، وكثير من الأعمال عبرت من المهاجر الى حيث تنتمي وكانت اضافة جميلة مثل ماذكرت .
شكرا موفورا ريسنا القدير
وبلغّنا تحاياك ويبلغّوك الشكر والعرفان
زينب الحويرص غير متواجد حالياً   رد مع اقتباس
قديم 09-16-2013, 04:48 AM   #16
زينب الحويرص
عضو مميز
 
تاريخ التسجيل: Nov 2012
المشاركات: 1,388
افتراضي


الفنان الموسيقار مهنّا
أهلا صاحب النغم الجميل والألحان وروائع الشعر
مقدم سعيد ورأيك بيهمّنا ويسعدنا فأنت مبدع ولك تاريخ مشهود في الفن .فشكرا لاهتمامك وتثمينك العمل . باذن الله ح أبلّغ ابراهيم تحياتك وبولينو بيرد التحية وشاكر لمقامك . ربما تكون لمّا لاقيت ابراهيم في تلك المرّة يكون ماشي لواحدة من المسابقات التي شارك فيها .
المسابقة الفاز بيها باسم سنجة في مدني على ما أذكر كانت الأغنية من ألحان الأستاذ الصديق والزميل الفنان حمزة سليمان ، سنجة ملهمة المبدعين وأنت أحد المغرمين بتفاصيل نكهتها وسحرها كما تذكر في احدى قصائدك باسلوبك الأدبي الرائع .
كل المودة واحترامنا للعزيزالموسيقار مهنّا
زينب الحويرص غير متواجد حالياً   رد مع اقتباس
قديم 09-16-2013, 04:50 AM   #17
زينب الحويرص
عضو مميز
 
تاريخ التسجيل: Nov 2012
المشاركات: 1,388
افتراضي


ياجوجو
نعم الاعلام بيخدم الفنان ، لكن في الحالات الاستثنائية ممكن الفنان يتواصل عبر الوسائط المتاحة والناس بتقٌدر تواصلك معاهم وان اختلفوا معاك في حاجاتك لكن انت بتعمل العليك وبتأكّد على انتماءك لوطنك وده المهم.
زينب الحويرص غير متواجد حالياً   رد مع اقتباس
قديم 09-16-2013, 04:57 AM   #18
زينب الحويرص
عضو مميز
 
تاريخ التسجيل: Nov 2012
المشاركات: 1,388
افتراضي

الألوان عندها مشكلة معاي لقيت المربّع بتاع الألوان بقى سعمبوتي
لما أضغط على البلو يجي لونه غامق
نقول بي دستورهم ياجوجو
والا النعيم أخوي ح يجي يأدبنا ... ؟؟
خلى بوسته وماعارفنه مبيّت شتوي والا صيفي والا مبيّت النيّة
سلام
زينب الحويرص غير متواجد حالياً   رد مع اقتباس
قديم 09-16-2013, 05:03 AM   #19
زينب الحويرص
عضو مميز
 
تاريخ التسجيل: Nov 2012
المشاركات: 1,388
افتراضي

أنا بقول واستغفر الله
الما عايزني أكتب بالبلو .. يكون ما بحب الهلال
مش كده يا قجه ؟؟؟
أي زول عنده وردة حمرة في بروفايله عارف روحه
زينب الحويرص غير متواجد حالياً   رد مع اقتباس
قديم 09-16-2013, 05:13 AM   #20
زينب الحويرص
عضو مميز
 
تاريخ التسجيل: Nov 2012
المشاركات: 1,388
افتراضي

الشكر أجزله لكل من كتب واستمع ومر قارئا
زينب الحويرص غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 06:40 PM


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved. منتديات