العودة   ~ منتديات مدينة سنجة ~ > ا®¤*~ˆ° لأقــســـام الــعـــامــة ®¤*~ˆ° > سنجه التاريخ

إضافة رد
 
أدوات الموضوع انواع عرض الموضوع
قديم 08-28-2010, 11:45 AM   #1
mdin abdul hamied matuog
عضو مميز
 
الصورة الرمزية mdin abdul hamied matuog
 
تاريخ التسجيل: Apr 2010
الدولة: سنجة السودنة
المشاركات: 968
افتراضي دكان الحاج سِرِي

طيب الحديث لي فى ان اقدم لاحبائي واسرة المنتدي بمنتديات مدينة سنجة والغوص فى اعماق حال مجتمعها الاصيل الذي لايبخل عليها بقولة الحق فى حقها وصون كرامتها وعزة تراب ارضها ومن بين اهلها اناس اختصهم الله بقضاء حوائج الناس اعطوا الكثير وابدعوا فكان لاهل الفتية ان يبصموا بالعشرة انه ابن من تلك الارض التى ذاع صيتها فى جميع ربوع السودان الحبيب بابنائها وارثها التاريخي وحضارتها ونبوغ ابنائها الذين تربعوا وتبوؤا مكاناً عليا فى كل المناصب في شتئ الوزاراة التى تعاقبت على حكم البلاد التعليم والسياسة الطب الهندسة الرياضة والزراعة وجميع التخصصات فكان لابناء الفتية سنجة ان يتبوؤها بشرف وشموخ ومن بينهم ابن باااااار ابدع فى مجال عملة اتقن مهنته اخلص فيها كد واجتهد فنال رضا الكل ومن قبل رضاء ربه فى عملة بالاتقان والصدق شرب من نيع الازرق الجارف ماء رسخت فى جواه معنى تلك الارض التى تجري فيها احب اهلها فاحبوهو وصار الكل يهتف باسمة يضى البسمة نورا فى كل المواسم اتخذ لنفسة مكانا صار قبلة الجميع اليه ببوحهه للكلام الجميل وقوة زاكرتة لحفظ كل مجري فى حياتة وتاريخ الفتية سنجة بكل شئ فيها ويعد من اعلام سنجة تاريخيا فى لتلك الزاكرة التى يتمتع بها فكان توجهه رياضيا الى قبيلة الرتيلا نادي النيل العظيم
فجعل انتمائه كله له بماله وفكرة وتعصبة فجمع القدر وكبر فى ماقيهم وتربع فى قلوبهم الا وهو ابن سنجة البار مبشر سري ( حاااااج سري )
سوف افرد له فى هذه المساحة كل حرف نطقة واجمل لحظاتى التى عشتها معه فى بين تلك الاربعة حيطان دكانه وبالنادي وانا لاعبا وابنً له سوف ادون له المواقف التى مررنا بها وجميع لاعبي نادي النيل العظيم وبقية اندية سنجة التى لا يشق لها غبار وفراسها وسوف اسرد ماكنت انا عليه وماسمعته من غيري سوف اكتبه بلسان ماسمعته منه وان اوفيت فهو له وان قصرت فالعتبه على حتى اتى منه بالعفو والصفح اهدي هذه الكلمات الي الوالد مبشر سري وانا اعلم بانى لم اوفيه حقة ولكن هذا لسان حالي ،، واهديها ايضا للوالد المغفور له بازن الله عوض عبد الجليل والواد السمانى عيسي رحمة الله علية والشهيد البطل جمال الطيب طه ( الريس) رحمة الله علية وياسر عطية الشاب الفقيد رحمة الله علية والاخ والصديق الباقى الى الابد فى نفوسنا والنقيب الشهيد البطل احمد عبد الرحمن جمعه ( حنا ) وللاخ والصديق الوفي الوجيه قوته سليمان رد الله غربته والاخ والصديق المخلص عبد العزيز مصطفي ( الفكي) وللوالد ابراهيم دياب والوالد عبد الحميد عبد الرحيم معتوق والعم الهادي ( العجلاتي) ومحمد عثمان ( حريقة) والمربي الجليل الفاضل حامد الدادو ولجميع زوار تلك البقعة وللعلم سوف ادون كل انسان بلقبه لان الجميع اغلبهم لا يعرفون الاسم الحقيقي لبعض الشخصيات سوف تكون كتابتي باللون الاخضر لعشقي وتقديري له ومرة اخري لكم العتبي حتى ترضو.......... ابومدين ( مجلكن )
__________________
بناديها بناديها ..افتش ليها في التاريخ واسال عنها الاجداد...

التعديل الأخير تم بواسطة mdin abdul hamied matuog ; 08-19-2015 الساعة 01:00 PM
mdin abdul hamied matuog غير متواجد حالياً   رد مع اقتباس
قديم 08-28-2010, 01:32 PM   #2
mdin abdul hamied matuog
عضو مميز
 
الصورة الرمزية mdin abdul hamied matuog
 
تاريخ التسجيل: Apr 2010
الدولة: سنجة السودنة
المشاركات: 968
افتراضي

فى اواخر الثماننيات بالتحديد عام 1989م بداءت مسيرتي مع ذلك المجتمع المترابط المتماسك كالجسد الواحد الذي اذا اشتكي منه عضو تداعت له بقية الاعضاء بالسهر والحمي تقديرا لمكانته في بينها واهميته هى قبيلة النيل العظيم التي مابخلت على ابن من ابنائها اعطو النيل العظيم الكثير واعطاهم النيل الكثير من كثير واكثر من حب ووفاء وحفظ حقوق الغير والقومية والشهرة فكان للنيل رجالا صدقو ماعاهدو عليه انفسهم بان يهبوا تلك القبيلة كل ماعندهم من قوة ووهبوا ابنائهم له فجادت انفسهم بارواحهم رخصية فى سبيل اعلا الراية الخضراء عالية خفاقة وان يكون اسمه فى مقدمة المسابقات فكان هناك رجال ارسو دواعم القبيلة الخضراء بداية من والدنا الووالد كل النيلاب فخرا ضحية علية رحمة الله ومن قبلة ومن بعدة الي يومنا هذا .....
في يوم الاربعاء 15/ 04/ 1989كانت بعثة النيل متوجه الى مدينة الهلاليه بقيادة الوالد ادام الله له العافية والصحة السيد يوسف موسي ونائبا له الاستاذ الجليل الغيور المتفهم الراقي عبد اللطيف على حسن فزع وعلى وكان النيل فى وقتها سيد الموقف فكانت له قوة ضاربة متمثله فى بحر جكن رحمة الله علية والمين الهلالية وبابكر امبي ادريس ابكر محن المقاتل الفارس حسنى سالم ابوتابوت والرشيد وعتوقة فى اخر ايامة وقرش ودالجيش واسعد دسكو الفنان شهاب عوض عوض الضوء الصادق ابوحمامة الفنان الهادي الصافى ضرس ناصر عدلان الفنان جمال الامين وطبعا كان شخصي من بينهم ولكنى كنت منتما الى نادي الممرضين سيد الاتيام ومنجم المبدعين فى عالم المستديرة وطبعا كان الاخ والصديق ناصر عدلان كنا توامين لا يفرقنا النوم وطبعا بحكم انا صديقة اراد ان يضمني الى تلك القبيلة حتى يتم مراده وبادر بتقديم الدعوة لى بان اسافر معهم الى الهلاليه وطبعا كان السفر ببص جبريل من ود النيل فكان بص جديد لوري وركبوا الجميع البص وانا فى المقعد الاخير معى ناصر واسعد دسكو وشهاب وطلع الاستاذ عبد اللطيف وقال بالحرف الواحد ياجماعة اي واحد مامسجل فى كشوفات النادي ينزل وماكان غيري انا فى البص وهو ماكان يعلم ان ان جيت من قبل لاعبي النادي فما كان منى الا النزول فى صمت واحراج واخزت شنطتى فيها الكدراة وملابس الرياضة ونزلت وماكان من الاخ الرشيد واسعدوناصر وشهاب بحرف واحد قالو ليه لا يااستاذ ده صاحبنا وانحنا عزمناه لانو خلاص بسجل للنادي بعد مايفكوهو من نادي الممرضين وطبعا انا نزلت زعلان ودخلت النادي وعم بدري مصطفى قال لى ليه نزلت وعندها ظهر حبي لهذه الكوكبة نزلت دموعي بحرقة وقلت ليه استاذ عبد اللطيف نزلني وذهب العم بدري اليه وخبره وقال لى انت ولد النادي مالمفروض تزعل وسافرت مع النادي الى الهلالية واحرز النادي نتائج طيبة وهى الفوز فى جميع مبارياتة وانا لم اشارك مطلقا وعدنا الى سنجة وبعدها ب3 ايام اتجهنا الدمازين ونفس المشهد تكرر ولكن عندا زهبت الي البيت وجاؤؤا الي البيت وقلت لامي انو لو ساْلوا عنى قولى انو انا ماجيت البيت وسافرت البعثه وعندها كرهت شئ اسمة النيل كره العمي وبعدها ب5 اشهر تم تسريحنا من نادي الممرضين كل اللاعبين ماعدا جمة النور بلال وانور الطيب ميرغنى وشخصي وعبد الله مؤمن واسحاق ومنقاش والمرحوم حافظ عرزون الموهبة رحمة الله علية وعبد الرحمن كوة ( قمل ) لم يتم تسريحنا وعندها بداءت المناورات من قبل العم بدري مصطفي بجدية شديدة بضمى الى كشوفات النيل العظيم وبداءت اظهر غيظي وكرهي لهم وتهربي ماكان من معلمى واستاذى الفاضل حامد الدادو بالحرف الواحد انت يامدين مابتمتحن المتوسطة مابديك رقم جلوسك والعايز تعملوا اعملو ومارديت عليه ومشيت طبعا كنا بنجى المدرسة يوميا بعد العصر للعب الكرة الطائرة والقدم وبدا يحاورني وقلت ليهو لهانو عبد اللطيف طردنى من البعثة ماسمع كلمة عبد اللطيف فصفعني كف رهيب قال لى عبد الطيف ده استاذك كيف تقول ليه عبد اللطيف حاف ده قلت ادب منك وانا لن اتحرك ساكنا لعلمى بغلطي وبعدها مشيت البيت وتاني يوم انا استلمت رقم جلوسي وانا داخل غرفة الجلوس واستلم غيري ارقامهم من قبل شهر ونجحت والحمد لله وجات التسجيلات وانا خلصت الصف السادس الابتدائي وكانت التسجيلات فى شهر 6 وبزل العم بدري جهدا مقدرا فى اقناعى هو والوالد احمد ابو حمامة والمربي الفاضل العاقب الامين والحاج سري واما عن استاذ العاقب فجاء الي البيت وقال لى بالحرف الواحد انعل ابوك ياود اللذينا وكان ماسك دفتر فرمانى بيه حتى تقطع قال انت فاكر نفسك منو سانتو واخدنى انا وصديقى ورفيق دربي ستره الله فى الدنيا والاخرة اخى اسامة مصطفى مهدي والصادق ابوحمامة الى منزله بالحى الشرقى الذى يسكنة الان وكانت المطرة كابة وعربية ابوحمامة ماشاء الله عليها تصارع وتكابد جاهده لتوصيلنا الي بيت استاذ العاقب وطبعا اتغدينا ورحنا بعدها الي النادي وانا طلبت مبلغ 2500جنية كاش وتم تسليمى مبلغ 2000 جنية واسامة 25000 استلم 1500جنية وطارق احمد سليمان 3000 الف جنية استلم منها 2000 جنية والمرحوم سيف القلعة رحمة الله عليه الغزال الاسمر 5000 استلم منها 4500 جنية وبعدها زهبنا الى الاتحاد العام بستاد سنجة العريق وكان هناك الوالد ابراهيم جديد وهوكان واثق انو انا بسجل للاتحاد انتماءا للوالد ولكن عندما حضرت فوجئو بتوقيعى للنيل واستمراري معه الي يومنا هذا وقبل ذلك كانت هديتى من الحاج سري رداء وقميص للمدرسة وطبعا قال لى بطريقى اسلوبة المعهود وهو جر الحروف فى الكلام والله ياابومدين ياولدي انا جبت ليك الرداء والقميص ديل عشان انت امك امنة ده غالية وعزيزة على وكان ابونا وعمنا وجارنا العزيز الغالي جنجا واقف معاهو راداً عليه قال ليهو الماش يلعب ليكم هو ولا امنة اختى ده طيب ليه جايب ليهو هو مادام امنة امو غالية عليكم ومن هنا بدأ مشواري مع الحاج سري ودكان الحاج سري ....نلتقي الحلقة القادمة
__________________
بناديها بناديها ..افتش ليها في التاريخ واسال عنها الاجداد...

التعديل الأخير تم بواسطة mdin abdul hamied matuog ; 04-10-2013 الساعة 02:48 PM
mdin abdul hamied matuog غير متواجد حالياً   رد مع اقتباس
قديم 08-28-2010, 11:19 PM   #3
هيثم قوته
عضو مميز
 
تاريخ التسجيل: Feb 2010
المشاركات: 1,064
افتراضي

العزيز الجلكين العجوز مدين

تحيات طيبات

قبل كل شيئ احيك علي الذاكرة الفولاذية ...
وانت تحكي لنا تفاصيل دقيقة عمرها سنين ...

ان شاء الله سوف تابع معك السرد والرواية
من البداية للنهاية وان كانت حكاوي دكان عم سري
لا تنتهي ..

بعدين الكتابه بالاخضر دي . نرد ليك عليها بالاصفر ولا كيف؟
__________________
نقره لعرض الصورة في صفحة مستقلة
هيثم قوته غير متواجد حالياً   رد مع اقتباس
قديم 08-29-2010, 05:01 AM   #4
كمال محمد (قجه)
:: المشرف العام ::
 
الصورة الرمزية كمال محمد (قجه)
 
تاريخ التسجيل: Feb 2010
الدولة: المملكة العربية السعودية - الرياض
المشاركات: 45,145
افتراضي

ماشاء الله عليك مدين

ما اجمل الذكريات حقيقة دكان الحاج سري كان عامر

بكل الوان الطيف الرياضي
__________________
كمال محمد (قجه) غير متواجد حالياً   رد مع اقتباس
قديم 08-29-2010, 08:56 AM   #5
mdin abdul hamied matuog
عضو مميز
 
الصورة الرمزية mdin abdul hamied matuog
 
تاريخ التسجيل: Apr 2010
الدولة: سنجة السودنة
المشاركات: 968
افتراضي

لك كل التقدير والاحترام ياعزيز ياهيثم ولو لاكلما عادت بي الذاكرة للوراء لانك من ذكرتني بالدكان وتلم الايام التي انطوت وفى الوجدان حية لك كل الود والتقدير واهديك كل حرف سوف اكتبه فى الدكان ياابن العم والمناضل السنجاوي ... وبعدين انت عارف مافى اخضر بلا اصفر وانت عايز الرد بالوان الطيف ...تااااااااااح ترااااااااااااااح اهل العوض جوووووووووك
__________________
بناديها بناديها ..افتش ليها في التاريخ واسال عنها الاجداد...

التعديل الأخير تم بواسطة جمانه ; 08-29-2010 الساعة 09:34 PM
mdin abdul hamied matuog غير متواجد حالياً   رد مع اقتباس
قديم 08-29-2010, 08:58 AM   #6
mdin abdul hamied matuog
عضو مميز
 
الصورة الرمزية mdin abdul hamied matuog
 
تاريخ التسجيل: Apr 2010
الدولة: سنجة السودنة
المشاركات: 968
افتراضي

المقاتل قجة لك الود والتقدير وانت ضمن كوكبة الحاج سري فلك اسمى ايات الشكر واني اعرف ان شكرك صعيب ولكن تسلم
__________________
بناديها بناديها ..افتش ليها في التاريخ واسال عنها الاجداد...
mdin abdul hamied matuog غير متواجد حالياً   رد مع اقتباس
قديم 08-29-2010, 09:45 AM   #7
mdin abdul hamied matuog
عضو مميز
 
الصورة الرمزية mdin abdul hamied matuog
 
تاريخ التسجيل: Apr 2010
الدولة: سنجة السودنة
المشاركات: 968
افتراضي

طبعا فى صبيحة اليوم التانى انو خلاص الولد سجل فى النيل وما كل البيلعب كورة بسجل فى النيل فى تلك الايام الاتحاد والمريخ والشبيبة كانو اتيام لها صيت ومكانة عالية وطبعا ادونا شعااار النادي الاخضر بالابيض ذو الكم الطويل وكان رقمها 11 قالو لى عارف ده منو كان بلبسها لبسها ود واؤؤد ولبسها جكن ولبسها الامين الهلالية ولبسها ودقليى وكان حينها مافى لاعب عندو رقم مميز قال لي لبسوها رجال قدامك ورجعوها للنادي وماعندنا فنلة بلبسوها فى الشارع مع البنطلون ويلفوا بيها فى السوق كلام ذى ده مامعانا فهمت ولا طبعا كلام ذى ده ذاد حبي الي النيل العظيم وحب الشعار اكتر .
وانا فى البيت جاءني اخى اسامة قال لى انا ماشي ناس حسنى وماشين بعدها السوق لبيت النداء فوراً وطلعت ومشينا لحسنى والهادي الصافى وابوحمامة وركبنا البوكس من شارع الدالي وعلى السوق نزلنا قصاد دكان ود نمر ودخلنا من دكان عمك على الكناني وطبعا فى طريقنا قابلنا بابو باب الخير قال لى تعال هنا ياولد يامدين انت عارف اي لاعب يسجل فى النيل مابقول انا عايز قروش ولا بطلب شي وانا كان معى مبلغ التسجيل باقى كما هو وطوالى قلت ليهو خد ياعمى ده ال2000 جنية رجعها للنادي واخدها منى وذهب بها الى الى الريس مصطفى مهدي وقال ليهو مدين رجع قروش تسجيله وعندها جاءني الوالد والقائد الهمام ووالد زميلي اسامة ليلا ومعه العم الوالد المرحوم حسين الباشاء الف رحمة ونور تنزل علية وقال لى يامدين على بالطلاق وتحرم ام اخوك مابرجع ولا جنيه يكفى انك برهنت انو انت ابن مافيك شك وعم حسين قال لى ليه ترجع القروش ده حقك طبعا بذلك الصوت الجهور التى عهدناه بان نسمعه من خارج الشارع رحمه الله رحمة واسعة وبعد ذلك واصلنا طريقنا الى دكان سري ولقينا فى الدكان استاذ الامين ابراهيم واستاذ الفاضل حامد وبكرى ابراهيم ( دكتور كمالو ) لاعب بنادى النيل فنان من اولاد بحري وحريقة وابا والراحل المقيم ابونا عوض عبد الجليل صاحب اللسان والقلب الابيض وحبه والمرحوم السمانى عيسي عمر ( نيش) واستاذ عبد اللطيف وناصر وشهاب عوض وطبعا ناصر كان الفتى المدلل فى تلك الفترة مايطلبه منفذ من غير جدال قال لى ارح جوه السوق ونجى قمت عايز امشى معاه طوالى قام الحاج بتلك النبرة المعهوده عنده وين ماشي ياود اختي تعال تعال تعال هنا والله الا تفطر معانا وبعدها تركت ناصر يمشي لوحده وبعد فترة رجع ومعاه كيس فيهو بنطلون وقميص وساعة قال لى هسع لو مشيت كان يكون ليك نصيب خليك من الحاج ده وهبايبو دى طبعا ضحكنا على الحاج وجاء وقت الفطور وطبعا الجار الوجيه والاخ الاكبر والمشجع الغيور ابا اشتري الفول المصلح والحاج جاب السلطة الخضرة وجاب فو ل مطحون وعجن السلطة وقلنا ياواحد واثناء الاكل ظهر المربي الجليل صاحب الصوت الجهور والمكانه المهابه وابونا الواد الاستاذ نصر الدين عبد الرازق (ود ابو) واقسم لكم انو اللقمة وقعت من يدي وارتبكت ربكه كانو ظهر لى عزرائيل امامي طبعا كان مهاب الكل وقف عن الاكل ورجع للوراء ومدنقريين رؤسينا تحت ماعدا الحاج كان بتكلم معاهو حتى الباشمهندس ابا وقف طبعا جاء ود ابو وقال اتفضلو ا كملوا اكلكم قال للحاج ياحاااااااج بهذا الاسلوب الاولاد ديل اليوم مش عندهم تمرين يفطروا ويمشوا بيوتهم وبعدها اعطي حريقة نظرة طويلة شديد فهمنا منها انو عايز يهاظر معاهو لكن انحنا فى شوفوا معنى ان تحترم طلابك او تحترم غيرك فى مكان عام وفهم حريقة نظرة ود ابو وضحك وقام جااااااااااااااااااري للقهوة بتاعتو طبعا كان عندو محل قهوة يعنى مطعم كامل وعندو ذبااااادي رهيب....... ارتااااااااااح ونلتقي

( من اطاع غضبه اضاع أدبه )
__________________
بناديها بناديها ..افتش ليها في التاريخ واسال عنها الاجداد...
mdin abdul hamied matuog غير متواجد حالياً   رد مع اقتباس
قديم 08-29-2010, 12:52 PM   #8
mdin abdul hamied matuog
عضو مميز
 
الصورة الرمزية mdin abdul hamied matuog
 
تاريخ التسجيل: Apr 2010
الدولة: سنجة السودنة
المشاركات: 968
افتراضي

طبعا بعد جرية حريقة من ود ابو خلصنا الفطور وبقى الشاي طبعا انا ماعندي شغلة بيهو لكن الحاج لو ماشرب شااااي بموت والشاي عند حريقة منو البمشي لحريقة ويقول ليهو عايزين شااااي قالو لشهاب امشي لو انت مابقول ليك حاجة لكن استاذ عابد اللطيف قال ليهم انا بجيب الشاي من المحرق ده خلوهو على طبعا مشي وجاب الشاي لكن عمل شنو لحريقة وجاب منو الشاي ده كيف انحنا ماعارفين!!!!! ؟
شربنا الشاي وبعد داك بدا عمنا وابونا المرحوم عوض بحلو حديثة عن سنجة وعن ذكرياتة التى لا تنتهي عن اهل سنجة ونحنا يوميا بنجى الدكان والله وعزرتة فى ملكة ماكرر لينا حديث قاله لينا فى السابق كل يوم حكاوي جديدة ونكته جديدة وكان الحاج سري روحه ونفسو عم عوض بتذكر انو لمدة 4ايام عم عوض ماجاء السوق كان رجوله بتوجعو شديد والله عملنا البيت كانو الدكان انكسرة عندو من الساعة 10 لغاية مواعيد التمرين نتغدا عندو ونمشي ولما مايكون عمنا عوض فى كانو فى شي ناقص فهو تاريخ سنجة الذى كان يمشي على قدمية كان بحكى لبنا عن اللبخ وعن حال اللبخ وكيف الناس كانو بقعدو فيه وكيف كان شكله كانه انا كنت معاه وسوق ابوزعبل والدخولية وطاحونة دانيال وفريفيرا وعن جرجس واحد خواجة حكي لينا عنو وعن البار وكيف مستشفي سنجة بنيت عن طريق الخطا فى خريطتها وعن حاجة سيدة المراة وعن ظباط البوليس ابهين ردا كان موسوعة تاريخية لا تتكرر وبعد ذلك بكون موعد صلاة الضهر جات نتوضا ومعانا عم عوض والحاج ونيش وعم السمانى ومن موجود الى الجامع الكبير نصلى ونرجع بكون بكري جاب الغداء مرة نتغدا معاه ومرة من الجامع ندردق بهناك على البيوت حسنى والرشيد والصادق بلفو من شارع الدالي بلفة رابطة ابنا سنجة الفنية الكانت فى الكورنه المقابلة لبيت عمك صالح بخاري رحمة الله علية ابو لاميدو حارس النيل وانا واسامة وشاخور والهادي بنواصل الى السودنة ...... بجيكم راجع تااااااااني انجم وبجيكم ......

( الرفق مفتاح الرزق )
__________________
بناديها بناديها ..افتش ليها في التاريخ واسال عنها الاجداد...

التعديل الأخير تم بواسطة جمانه ; 08-29-2010 الساعة 09:40 PM
mdin abdul hamied matuog غير متواجد حالياً   رد مع اقتباس
قديم 08-29-2010, 09:49 PM   #9
جمانه
# مجلس الشورى #
 
الصورة الرمزية جمانه
 
تاريخ التسجيل: Mar 2010
المشاركات: 9,075
افتراضي

أبو مدين
أحيك و أحيي ذاكرتك الفولازية التي أجترت لنا هذه الاحداث الجميلة ، واصل ونحن نتابعك ، بس عندي رجاء ، بما ان البوست ذكريات وفيها توثيق أرجو منك أعطاء كل شخصيه تذكرها حقها من معلومات وصفات حتى يتعرف عليها القارئ والمتابع وتأخذ حقا في التوثيق ، وأخص بالذات شخصية حاج سري صاحب الدكان وعنوان البوست لانها شخصية محورية وهو رجل معروف بسنجة ودا حقه علينا.شكرا ليك واديك الف عافية .
__________________
[motr]
رحلوا ولموا طرفهم ....الناس البعرفهم ....ويروي الديره سرفهم ...
[/motr]
جمانه غير متواجد حالياً   رد مع اقتباس
قديم 08-30-2010, 09:20 AM   #10
mdin abdul hamied matuog
عضو مميز
 
الصورة الرمزية mdin abdul hamied matuog
 
تاريخ التسجيل: Apr 2010
الدولة: سنجة السودنة
المشاركات: 968
افتراضي

لك الف شكر على المرور والمتابعة وابدا الراي السديد وهذه هى من شيمة المراقبين المميزين واما عن الحاج سري فماعليك حقه محفوظ وسوف نعطيه حقة وان ماله علنا لا يوفئ .....
__________________
بناديها بناديها ..افتش ليها في التاريخ واسال عنها الاجداد...
mdin abdul hamied matuog غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 09:32 AM


Powered by vBulletin™ Version 3.8.7
Copyright © 2019 vBulletin Solutions, Inc. All rights reserved. منتديات