العودة   ~ منتديات مدينة سنجة ~ > ®¤*~ˆ° الادب والفنون ®¤*~ˆ° > الشعر والخواطر > هديل الاعضاء

إضافة رد
 
أدوات الموضوع انواع عرض الموضوع
قديم 05-31-2010, 11:54 AM   #11
عماد الدين بشير آدم فضل
# مجلس الشورى #
 
الصورة الرمزية عماد الدين بشير آدم فضل
 
تاريخ التسجيل: May 2010
الدولة: الرياض - المملكة العربية السعودية
المشاركات: 1,781
افتراضي

اقتباس:
المشاركة الأصلية كتبت بواسطة محمد عبدالله حسين مشاهدة المشاركة

الاخ عماد تحياتي ..حقيقة قصيدة رائعة مفعمة بحبك لسنجة ..ارجو ان نستزيد منك ..
الأخ / محمد عبد الله حسين
لك الود والتقدير
أقول لك إن تعليقك أيضاً مقعم بالحب الكبير لسنجة وناسها.
عماد الدين بشير آدم فضل غير متواجد حالياً   رد مع اقتباس
قديم 10-12-2010, 01:57 PM   #12
عماد الدين بشير آدم فضل
# مجلس الشورى #
 
الصورة الرمزية عماد الدين بشير آدم فضل
 
تاريخ التسجيل: May 2010
الدولة: الرياض - المملكة العربية السعودية
المشاركات: 1,781
افتراضي يا سنجة مشتاق ليك أنا

يا سنجة مشتاق ليك أنا

مشتاقة لي يا سنجة
يا أحلى البلاد والأمكنة
وزمانك أحلى الأزمنة
وكمان وحاتك برضي
مشتاق ليك أنا

يا روحي مشتاق ليك أنا
يا حلوة يا ست الجمال
فيك من صفاتنا
العزة والشوق والوصال
شايلنه همك في العيون
شايفين في عينيك همنا

يا سنجة مشتاق ليك أنا
سيرتك حضارة مدونة
ما إنت لؤلؤة البلاد والأمكنة
أنا روحي باقية هناك معاك
في القلعة والمايقومة
في حي العشر والسودنة

جوانا إحساس بالمعاني
الصادقة منك منتهاها ومصدره
العزة تبدأ من هنا
والخوة تنتهي عندنا
بيك سارت الركبان
وبيك هام وافتتن كل الورى
ماضيك زاهر بيه تاريخنا انكتب
والحاضر إتعلم قرا
يا بدر ومن حولك نجوم
عبد الكريم والإنجفاو والدبكرة
يا واسطة عقد المدن
يا دوحة للريف والقرى
من نمولي لي حلفا القديمة
ومن نيالا ومدني
لي أرض البطانة وعطبرة



سهرانة تسمعي مننا
وتشوفي كيف زفة عريسنا
لي نيلنا تتموج نجومه
تضوي بالنور والسنا
يديك من الفيض الملايكي
سرور وخيرات الهنا
وتسمعيه من اللحون الحلوة
أنغام الغنا


أولادك الزينين هديل
وبناتك الحلوات هديل
حالفين يشيدوا فيك ديار

ما بعرفوا أبداً مستحيل
عرباً فصاح بلسان مبين
وعجم بترطن بالحنين
رضوان بنقول عنك كتير
يا روضة من عالي الجنان
هي هدية جات لي أرضنا
يا سنجة يا أم خيراً وفير

يا سنجة بي وهج المسايد والخلاوي تعلمي
من شيخنا ود عابدين مدد
علمك غزير
من مهدنا ولي لحدنا
بركاتنا من الشيخ فلاح
جوانا باقية إلى الأبد
أولادك أسياد البلد
حلوين تمام زمن السرور
حارين في يوم الحارة جد
شايلين في عينيهم حنيننا وحبنا

يا ربي تحفظ أرضنا
لينا وكمان لصغارنا ديك من بعدنا
لجنا الجنا
علشان يشدوا لينا فيك
أجمل بنا
علشان نطور كل زول في حينا
حي المزاد ما هو الشهد ريدنا وغرامنا
وكل تباريح حبنا
ويا سنجة مشتاق ليك أنا
والله مشتاق ليك أنا


عماد الدين بشير آدم فضل غير متواجد حالياً   رد مع اقتباس
قديم 10-26-2010, 12:05 AM   #13
عبد الماجد محمد زين مهنا
: مشرف الشعر والحواطر ::
 
الصورة الرمزية عبد الماجد محمد زين مهنا
 
تاريخ التسجيل: Feb 2010
المشاركات: 1,271
افتراضي

كل يوم نتعلم منك كيف نحب وماهي القيمة الحقيقية للحب في حياتنا ... استوقفتي العديد من العبارات الصادقة التى وصفت بها حبيبتنا سنجة فالتحية لك ايها الاديب الاريب استاذنا عماد الدين بشير فلقد كنت فينا دائماً قلباً ينبض بالحب وجذوة نور تضيئ لنا عتمة الحياة .....
عبد الماجد محمد زين مهنا غير متواجد حالياً   رد مع اقتباس
قديم 04-27-2012, 07:19 PM   #14
عبد الماجد محمد زين مهنا
: مشرف الشعر والحواطر ::
 
الصورة الرمزية عبد الماجد محمد زين مهنا
 
تاريخ التسجيل: Feb 2010
المشاركات: 1,271
افتراضي

نفتقد و بشدة قلم الاخ الاستاذ عماد الدين بشير أدم نتمنى أن يعود هذا اليراع الصيدح ليغرد ويسمعنا أحلى أنغام شعره الجميل .
__________________


سلام ياسنجة
برسلو ليكِ من مشتاق كتير ولهان
يغالب الشوق سنيــن راجيــكِ فاقــد لمـة الحـبان
عبد الماجد محمد زين مهنا غير متواجد حالياً   رد مع اقتباس
قديم 04-27-2012, 09:21 PM   #15
كمال محمد (قجه)
:: المشرف العام ::
 
الصورة الرمزية كمال محمد (قجه)
 
تاريخ التسجيل: Feb 2010
الدولة: المملكة العربية السعودية - الرياض
المشاركات: 45,145
افتراضي

الزول الراقى سعادة المستشار صاحب القلم الجميل

كلنا فى شوق لعودة هذا القلم من جديد رغم مشاغل العمل
__________________
كمال محمد (قجه) غير متواجد حالياً   رد مع اقتباس
قديم 03-14-2013, 08:20 AM   #16
عماد الدين بشير آدم فضل
# مجلس الشورى #
 
الصورة الرمزية عماد الدين بشير آدم فضل
 
تاريخ التسجيل: May 2010
الدولة: الرياض - المملكة العربية السعودية
المشاركات: 1,781
افتراضي عشانك يا سنجة

الإخوة والأخوات أعضاء منتدى سنجة وزواره
بعد طول غياب أقدم لكم قصيدة جديدة نتغزل فهيا بالحبيبة سنجة عبد الله ، أرجو أن تنال رضاكم.


عشانك يا سنجة
بحب الجميع
وبقبل وحاتك تحدى الصعاب
وكل الظروف
ومن أجل روحك
بصفق واغني
وأطوع لأجلك قساوة الحروف
ونسمة خريفك في عزة وجلال
بتسعى وتطوف
بكل الديار
وتنثر ضياء
ويشرق نهار
طيورك تغني
وتطرب قلوب
وتعمل لأجل اخضرار الجروف
بنصحى وننام
على صوت مؤذن
ينادي ويقول الصلاة الصلاة
بنصحى وننام
على صوت مزارع
يدوبي ويطنبر ويعمل ويقول
ونصحى وننام
على نمة حلوة
و نسمع دوام خرير المياه
تبلل جداول وتجري وتسيل
ونصحى وننام
على صوت نشيد
وصوت نوبة عالي يردد مديح الرسول
ومهدي الإله
ويا سنجة فيكي
ملايكة وجنان وفيك أحلى ناس
في حبك نركز نوطد أساس
بساتينك إنت
بتمنح بلدنا نضار الثمار
وأشجارك إنت جميلة وظليلة
ومنك بناخد قوانا وصمودنا
في يوم الدفاع ويوم الدواس
وقيمك حبيبة
هي تاج في رؤسنا
وهامة وجبين ومبدأ نبيل
بقت لينا ساس بقت لينا راس
رياضك بتلثم في عزة وإباء
مياه السحاب
جناينك تغازل خرير المياه
وناسك تقضي الليالي
عبادة وتهجد
وترفع أكف وتسجد جباه
عشانك يا سنجة
بحب الجميع
وبعلن وحاتك تحدى الصعاب
وكل الظروف
عماد الدين بشير آدم فضل غير متواجد حالياً   رد مع اقتباس
قديم 03-14-2013, 09:34 AM   #17
امير عبدالله همه
:: نائب المراقب العام ::
 
الصورة الرمزية امير عبدالله همه
 
تاريخ التسجيل: Jul 2010
المشاركات: 9,800
افتراضي

سعادة المستشار دكتور عماد الدين
صح لسانك في غزل المعشوقة سنجة
كلمات تنبط بالصدق والمحبة الجارفة
مرحبا بعودة هذا القلم الراقي
هذا ما نحتاجه
اديك العافية
__________________
نقره لعرض الصورة في صفحة مستقلة
امير عبدالله همه غير متواجد حالياً   رد مع اقتباس
قديم 03-14-2013, 04:24 PM   #18
محمد بشاره
:: الامين العام ::
 
تاريخ التسجيل: Feb 2010
المشاركات: 6,422
افتراضي

عوده رائعه بروعة الق حروفك سعادة المستشار
ما اجمل الغناء فى مسقط الراس ومرضعة الابناء
من نيلها الازرق الهادر النابض بالحياه
سنجه حلوه بناسه وانتو انناسه ونكهتها وزادها
نرفع قبعتنا تحيه لك ولقلمك الذى مافتئ يغنى
لسنجه وانسان سنجه
مرحبا بعودتك بعد طول غياب وجيتا جيت
__________________
اللهم ان اخينا الصادق قدوره فى رحابك واقف ببابك وانت أرحم الراحمين
اللهم اعفو عنه وعافه واجعل الجنة مثواه .. آمييين
محمد بشاره غير متواجد حالياً   رد مع اقتباس
قديم 03-14-2013, 06:48 PM   #19
كمال محمد (قجه)
:: المشرف العام ::
 
الصورة الرمزية كمال محمد (قجه)
 
تاريخ التسجيل: Feb 2010
الدولة: المملكة العربية السعودية - الرياض
المشاركات: 45,145
افتراضي

ما أروع هذه الكلمات وما أروع من صاغ معانيها ليخرج منها الدرر

كما عهدنـاك سعادة المستشار لا تـأتينـا إلا بالدُرر .. لاعدمنـا قلمـك المُبـدع وانت تتغزل فى الحبيبه سنجة بت عبدالله
__________________
كمال محمد (قجه) غير متواجد حالياً   رد مع اقتباس
قديم 03-14-2013, 10:26 PM   #20
سلوى
:: المراقب العام ::
 
تاريخ التسجيل: Feb 2010
المشاركات: 4,547
افتراضي

كلمات جميلة بتزود حننينا لسنجة ...وعشقنا لها

هلا وغلا سعادة المستشار...افتقدنا قلمك كتير ..ويارب ما ننحرم منه
سلوى غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 09:47 AM


Powered by vBulletin™ Version 3.8.7
Copyright © 2018 vBulletin Solutions, Inc. All rights reserved. منتديات