العودة   ~ منتديات مدينة سنجة ~ > ®¤*~ˆ° الادب والفنون ®¤*~ˆ° > الشعر والخواطر

إضافة رد
 
أدوات الموضوع انواع عرض الموضوع
قديم 12-01-2016, 10:21 AM   #1
عماد الدين بشير آدم فضل
# مجلس الشورى #
 
الصورة الرمزية عماد الدين بشير آدم فضل
 
تاريخ التسجيل: May 2010
الدولة: الرياض - المملكة العربية السعودية
المشاركات: 1,808
افتراضي قصيدة: المولد- أشعار د. عماد الدين بشير آدم- الرياض 2015- بمناسبة ذكرى مولد المصطفى

الرياض – ديسمبر 2015

نحن في السودان
أجمل الأوطان
ننصب الصيوان
نحتفل كل عام
ونرفع الأعلام
نشكر المولى
ونصنع الحلوى
نحتفل بي عيد
سيد الأسياد
في خصاله فريد
صلى ربي عليه
باركو يا الرحمن
بي أمان وسلام

كل عام يمضي
والجميع بي خير
ديمة نتطلع لي غدٍ أفضل
بعدو يأتي العام
في ربيع اول
ننثر الأفراح
في ليالي العيد
يذكروا المداح
بالدفوف والطار
يضربوا النوبات
والجميع صداح
الشباب والشيب
والصغار هاشين
في معيتنا الشيوخ طربوا
وسمعوا أحلي مديح
رددوه الخالات
رددوه العمات
رددووه بنات
جيل وحبوبات
وبي صفاء الأرواح
ومن طلاوة الصوت
شنفوا الأسماع
رددوا الأشعار
بي غنا المولد
أجمل الأذكار

يا النبي الممدوح
في الكتاب واللوح
يا حبيب الروح
صلى ربي عليك
ما تلوا القرآن
جودوه تمام
سطروا الحيران
بي دواية ولوح
ما تفتق زهر
بي عطوره تفوح
ما ذكر عابد
أوغفل جاحد
يا النبي المختار
ويا شفيع الناس
إنت ملجانا
في قوفنا في يوم
وقفة الميعاد
يوم جميع الناس
للإله صاغرين
ربنا الرحمن
هو البحاسبنا
وباريء الأضداد
أنزل القرآن
لي هداية الناس
بالعدل والحق
جانا تنزيلو
جاء بحرف الضاد

ليلة المولد
ليلة عيدية
إبتهالاتنا
فيها ذكر الله
وفيها أقولنا
نمدح الأخلاق
نمدح السيرة
يا الشفيع لينا
إت رسول الله
دعوتك للناس
فيها لينا عظات
لا بتوافيها كل أقوالنا
لا هي بتكفيها كل أفكارنا
لا بتفي الكلمات
إنت ديمة رحيم
بجموع الناس
والشعوب جملة
حتى بالكفار
هم ديل اذوك
هم ديل جفوك
ومن ديار مكة أخرجوك ونفوك
يوم فتح مكة
وإنت جيت وعفيت
اللي كانوا آذوك
فتح مكة مثال
يوم ما قلت مقال
وكل واحد بس لو دخل داره
او مشى للكعبة
أو دخل جوة
دار أبو سفيان
إنت أديتو كل سلام وأمان
قلت للكفار
أنتم الطلقاء
أنتم الكرماء

ولما جيت طيبة
إزدهت بالنور
أو أكتست هيبة
يا الكريم خاويت
بين مهاجريها
وبين أنصاره
قسموا الأرزاق
بي الفضل بينهم
والظروف صعبة
وصغت دستوره
بي مساواتك
بين جميع الناس
مسلمين كانوا
ولا حتى يهود
شرعتهم تلمود
كلهم واحد
في النظام والحق
حتى في الواجب
الدوام مقصود

يا الرسول سيدي
إنت بينت لينا أهدى طريق
الطريق بين بل جلي وواضح
السلوك راقي
القلب فاتح
كل شيء معلوم
الصلاة والصوم
من شريعة نوح والنبي أبراهيم
نعبد المولى
ونرحم المحروم
في البلاد جملة
ولا في الخرطوم
أصلها بلادنا
عامرة بالتهليل
في النهار والليل
ديمة بتصلى ع النبي المعصوم
والله يالخرطوم
ليك منانا دوام
تبقى في بهجة
وفي سرور ونعيم
نحن أصلو زمان
كنا في غفلة
تهنا في الرحلة
في دروب تانية
وتهنا من حزبك
والذنوب آهي
صايرة بالجملة
نرفع الأيدي
الله يهدينا
نتبع السنة
نمشي في دربه
ما نحيد عنه
ونكتسب حبك
ربي تهدينا
وترضى عن قومنا
ونكتسب رحمة
وندخل الجنة
نحن وآباءنا
ومسليمننا عموم
من لدن آدم
حتى يوم الدين
ندخل الفردوس
في جنان رضوان
في النعيم خالدين
نبقى في رفقة
النبي المعصوم
عماد الدين بشير آدم فضل غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 10:58 PM


Powered by vBulletin™ Version 3.8.7
Copyright © 2020 vBulletin Solutions, Inc. All rights reserved. منتديات